ديوان -الشاعر محمد الكنيـــــــــــدري

احنا كذا الـرب خالقنـا=سبحان فارق طبوع الناس
والـي يفتـش مراجعنـا =احروب حنا جذور وساس
نصبر فى قمه مواجعنـا=ونفوسنا طاهره ماتـداس
ونبكي ونخفـي مدامعنـا=ولانقولها كلمه الاحسـاس
ولو نار تصلى مضاجعنا=من طبعنا مانعرف الياس
ونبيـع بلـي يخارجنـا=ولانسجل الدين فالكـراس

ماهو كذا يالغضي دوبك = لي قلب مايحمل التعذيب
تحرم مذاقي عسل نوبك = وتحضر طيوفك معي وتغيب

تبكـي بحرقـه عليـه اثـول=والـنـاس فـيـهـا تـعـزابـه
ودعت حامـد ودمعـي هـل=وقلبي مرار الحزن صابـه
وعم الحزن ربعتي واحتل=وراح الـذي كــان نقـدابـه
وجف العسل وارد المنحل=ودارً لـنـا هــزت ابـوابــه
مـايـوم حـامـد عليـنـا زل=والراجحـه دايـم انصـابـه
ادلآ بعلـمـه لـنــا واكـمــل=واعلامنـا كــان باسبـابـه
قمه تواضع وخلـق اجمـل=وكــل المخـلايـق تـدرابـه
والقـاف بعـده بــدأ ينـمـل=بموادعه شاب فـى كتابـه
يالله يـلــي جـلالــك جـــل=تجـزيـه عـنـا فـمـا نـابــه
يـارب مزنـه علـيـه تـهـل=تسقـى بهـا حرقـة اترابـه
وفي جنة الخلد لـه تجعـل=مسـكـان بالخـلـد يثـوابـه

ذابت شموع الفرح والآنــس== واستوطنت ظلمه الآحزان
وطرفي يراقب طلوع الشمس== محتاجهــا لحظه النسيــان

ريحة عويدي وريحـــة هيـــل = ودلال فاحت قهاويهــــا
ياويـل قلبــي عليهـــا ويــــــل = ديرت بدو وسمهـم فيهــــا
مقبل عليهم فى فتـــره حيـــــل = ورجلي تعجل خطاويهـــا
وصوت المنادي فى نص الليل = ترحيب وافــي بلافيهـــــا
والجوصــافي قمــــر وسهيـــل= ورجال تعــرف تلاغيهــا
ماهو رجال النـــذل ونصيــــل = اعـلومهــــــا ماتقديهـــــا
كل ماعدلتـــــه يعــود ميــــــل = ويفرح بكلمــه يوديهــــــا
وديـارهم لـــو سقت بالسيــــــل= الآرض صمـــه مواطيهــا

تطري عليه مغيب الشمس= ايام ذاك الزمــان العــــــال
شبه ودله وبــــن وحمس = وتاخذ من الكيف لك فنجال
واقبـل علينــا شغل باللمس = مع راحته نشكي الآهمال
ناكــل ونشـرب بسده نفس = من حال يفرض هموم اثقال

لاياوجودي وجود الي = سيله حدر وانكسرشربه
وشاف الثمر طاب متدلي = ودونه حرس مانعه قربه

من بعدهم زادت اشواقي = وقلبي حنين البعاد اضناه
مدري من الحب لي باقي = والا معانق غرام انساه

لماعرفنا الهواء قلنا = بنجربه يوم ونسيبه
وملنا فى بحره ولانلنا = الا جروحه وتعذيبه
والمشكله فيه لازلنا = مابين صدقه وتكذيبه
وصرنا فى قمه تجاهلنا = يلعب بنا من ملاعيبه

اهواك ماهوهواء ايام = اسنين وانا متيم فيك
لاتصدق الشك والآوهام = بتمر لحظه وانا ناسيك