ديوان الشاعر(بخيتان البشري)

علي عيد=
ذقنا مرار الهواء مرات=يــــاكــــم مــــــــره تــجــرعــنـــا
أحــلــيّ الــمُـــر بـالــونــات=لـــلـــي مـــضـــا لاتـرجـعــنــا
بخيتان =
صحيح بحر الهوى سكرات = من عاشها وعاش جربنا
يصدر بأحاسيس تصريحات = ( لا تردنا بعد ماتبنا )

صقر المراقيب =
ســــؤال وجّــــه عــلـــى بـخـيـتــان = نـــبـــغــــى تــنــبـــيـــه وشـــــعـــــوره
تـتـوقـع الـشـعــب فــــي طــهــران = ياصل عضو مجلس الثوره ؟؟
بخيتان البشري=
حسب الذي في سؤالك بان = تبغى عضو تكتشف دوره
حيث السياسة بها لك شان = واخوك هداف للكوره

ابو مشاري =
لي حظ مايل و متردي= كل ماعدلته بدرب(ن)مال
مايجيب وان جاب ماردي= و بشكيه يا حضره العقال
بخيتان =
هيـا استـمـع يالـوفـي ردي=ياكـم قبلـك فـي حظـه قـال
كــنــه بـضـاعــة ولاتــــردي=اليا انشرت شالها الجمال

ياللي تناسيت يوم اقسمت = واخلفت فالوّد بُرهاني
كل ماعشانك لزمت الصمت = استنطق الشوق وجداني

يا طرف لاتشتقي بالناس = وتنشغل في مراتبهم
خلك بحالك وقيس قياس = عقلك 0وتاصل مخابرهم

كل ماتجدد لنا الموعد = حظ الشقي في عناده زاد
والمشكلة حظي الاوحد = كل ماتأملت فيه ازداد

بخيتان =
مريت دربك وطرفي لد = ولديت يمك بعد عديت
وجيت دربي وقلت تلد = طرفك عليّه بعد لديت
ابن سليمان الحجيلي =
أكيد يا صاحبي بالِد = دامك على صاحبك مديت
يدك وانا صاحبك بامِد = يدي وردي يقول أقديت
بخيتان =
وافي وفاللازمات تسد = والباب لاقمت له سديت
خط القلم من جنابك رد = قلبك خضر لي مارديت
ابن سليمان الحجيلي =
رديت لك بالنظر واليد =مديتها يوم لك حييت
حييت راع الوفى ويعد =دام يميني ليا مريت
بخيتان =
بذلت فيما طلبت الجهد = ولحذف ذيك الحروف ابديت
للي حصل ماعرفنا قصد = وعن طيبّ الرأي فيك ارهيت

بكت عيوني بدون دموع = اخفيت فالقلب عبرتها
لما رأيت الرجال جموع = مما بصدري في حزتها

مركب أمل في بحور الياس = غرقان فعماقها مفقود
يبقى الرجا ينقذ الانفاس = اللي لها فالمصير وجود

كل ماخفى 0عن عيون الناس = وترجم 0خفى حرف يقرونه
تقرا عيونه مدى الاحساس = وتعطي تفاصيل مضمونه