الرجل حارت والمناهيج ضاقت

السلام عليكم ورحمة الله وبركاته
اهدي لكم هذه الابيات عسى ان تنال عجابكم


الرجــل حـارت والمناهــيج ضاقت
لي مــدةً حاير عــلى ساحـل السيف

والنـفـــس لديار المــقانـيص تـاقت
ماحـدة اللـبّه عــلى راف وطـريف

دار(ن)بــها نبت الـزماليق ســاقـت
ون هــبّة الشرقي هـواها هـفاهـيـف

ريــحــة نــفــلها والخـزامـا تـلاقـت
والبرق يشـلع بالمـزون المـــقـانيـف

سوقات واطـراف الخباري تسـاقت
رحمه من المولى وسيع المحـاريف

هـــذا هــــوايه والمـقــانيص لاقت
غــير المها والريـم مالي تحاسـيف

قــمـت اتخـيّـل للـمــها يـوم واقـت
تقطف زماليق الحـيا بالشـفاشــيف

واستجـفـلت من ضلـّها يوم فـاقـت
ثم عاودة باالصوح دون المشاريف

وانا انقـل اللي ماخــبر يـوم باقــت
قصيرة ً تعجب هل الصنف يامـنيف

رفـعــتها مـد النـظـر وسـتسـاقــت
حفضتها بالجوف بـيـن السراجـيف

انا اشهـد انـي عــقــتها وستعـاقـت
عـلمً عـليه اشهــود ماهي سـوالـيف

التوقيع نديم الجود
مساعد الجليدي