ديوان الشاعر عبدالله عتيق الحنيني

في كل يوم يزود غلاك يا شوق=يا لهفتي يا غايتي يا شتياقي
يا حلا الحلا والملح يا كامل الذوق=كلك على بعضك رفيع المذاقي
اشتاق لك من قلب وعن وتوق=من لحظة الفرقا لوقت التلاقي
طيفك يداعب هاجس الفكر برفوق=يجلا كدر صدرن تكدر و ضاقي
لا مر لك طاري على بالي اروق=وليا عبر طيفك هواء البال راقي
موقعك وسط القلب يا خل مرموق=ومن الغلا نلت الجناب الرقاقي
مالي هواء غيرك من البيض مخلوق=ومثلك اليادورت ماني بلاقي
وتبقى بقلبي دام با القلب معلوق=ما اعلن غلاك من الخفوق الفراقي
والقلب لسرار المواليف صندوق=محدن على سره وخافيه واقي
عشق ابدوي مايعرف الغدر والبوق=يحيا و يموت وسر خافيه باقي
عل وعساء ماء للغلا والوفا عوق=والله يعين اللي من الولف شاقي
واغلا الغرام العذب عاشق ومعشوق=دام الهواء والحب معناه راقي
انت الغلا اللي بنظري راقين فوق=ذوق وعليك الذوق ياذوق لاقي
قطفتلك ورد وزهر كل زملوق=باقة زهر منهال عذب السواقي