ديوان الشاعر(بخيتان البشري)

بخيتان البشري=
سلام يابو منى لابـأس = يزول والعافيـة فالـك
اخذ المعاني معي بقياس = ياحـر فالعلـم لاجالـك
وليف الشوق=
يامرحبا ياجويد السـاس = ياللي الوفا دوم في جالك
دايم حروفك ذهب والماس = وانا انتظر باقي اقوالـك
بخيتان البشري=
تبقى علم للأدب نبـراس = والطيب ساسه من امثالك
عميل و تعاملِه نومـاس = ويسعى على مقاطع وصالك
وليف الشوق=
دايم على الطيبه قرناس = والنايفـه دوم منزالـك
وضح لنا ياصليب الراس = ومن عندنا الحكم يعطالك
بخيتان البشري=
لاجالك العلم ماله ساس = ولا كان يطري على بالك
توفيه وتقيس فيه قياس = راعيه وينشبك في حالك
وليف الشوق=
ماتدري ان البشراجناس = ماكل فعله كما فعالك
فيهم ذهب تلتقي ونحاس = واللاش مايورد احبالك
هذا الزمن يبلش الحساس = يخلف رجا ويك وامالك
عدي ولاتشغل الهوجاس = لا الضغط بكره يتهيالك