ابو فرح تعال ياشيخ وينك فيه

بخيتان البشري=
اللي تعين مدير البنـك = بنك الغلا والهوى والوّد
وقرارها الترقية جا منك = بعد اختلس كيف فيه تلدّ
ابوفرح=
كانه تناسـى ولا ثمنـك = اجعل مابينك وبينه حـد
بكره يجينا ويسأل عنـك = ونقول صف الحساب وشد
بخيتان البشري=
فطين مثلك ولا افطنـك = فيك الكاعة وخوفي حسد
ودّك كما قلت 0واطمنك = اجزاه بالحب 0لد يسـد
ابوفرح=
حذرا من الشك لايجننك = ابوفرح مايجيلك ضـد
واللي مايغني ولايسمنّك = خله بفاله وكب العنـد
بخيتان البشري=
اعـوذ بالله يامشطنـك = ولاخوه مثلك منيع وسد
اعرف رطينك به اراطنك = ياسد واقف عضيد ونـد
ابوفرح=
الضامن الله وانا اضمنك = ان كان تبغى كلام الجد
معدنه ماهو كفو معدنك = واللي على ساس ماينهد
بخيتان البشري=
ميقن بخَبزك وانا عاجنـك = مبلشك ساهر لكنـك هـد
فالصن ماسك ورق محسنك = لاتنطقـه حكـم وملهمـد
ابوفرح=
صبر المودين لايفتنـك = ويفتح لك ابواب ماتنرد
انا نصحتك ومن يامنـك = ضيع لحافه وحافه بـرد
تسمع لمن بالعسل يدهنك = واللي يقديك خان العهـد
بكره رياح الصبا تدفنك = ولاتلتقي من يمـد اليـد

ياســـــــــــلاااام يا ســـــــــــــلااااام

الغالي ابومحمد والغالي خوي الدرب

صح السنتكم مليووون وبيض الله وجيهكم

محاوره بدع ورد في قمة الروعه والجمال وليسى غريب عليكم هذا الابداع

تقبل تحيتي وتقديري