الحق نور والحقائق لها شان

لاتسأليني عن سبب كتم الآحزان =بس اسأليني عن غيابي وحضوري
لاتسأليني عن سبب دمع الآعيان =بس أسأليني عن دواعي سروري
لاتسأليني عن تصاريف الأزمــان =ترديدها يرهب ويرعب شعـــــوري
أجامل أحبابي وربعي والأخـــوان =جبر الخواطر صار معنى حضوري
أعطيهم الفرحه وأنا وسط الآحزان= وأجبر كسور الغير وأهمل كسوري
وأحيان أحس إني بقايا لإنسان =وأحيان أحس اني أغيب فحضوري
فجرت أنا في عالم الشعر بركان =لا ماأحترفت الصمت صمتي جهوري
أسرح وأفكر والتفاكير تحـــنان =يوم القوافي تعيش نشوة ظهوري
القلب ميت والمضامين سلــــوان =ألغيت انا في عالم الحــــب دوري
من باعني يابنت لاشك غـــلطان =دنياه لاتظلم عـــــقب ضوء نـــوري
مدري ظلمته أو ظلمني هالأنسان =أحترت انا مابين عدلي وجوري
بس الأكيد أنه لعهدي وفى صان =ماأمطر لغيري بس ماأسقى زهوري
يومه تجبر وأشعل القلب نـــيـران= وصار التباعد في هوانا ضروري
ماأشره عليه بس أنا حيل شرهان= على سنينٍ ماتقدر شـــــــعوري
انا الجليس وعزة النفس عنــــــوان =وفي عزتي يابنت قمة غــــروري
ولاني على دروب المحبين شفقان =خلي الصدف يابنت تعلن حضوري
بالمختصر يابنت انا فرحة أحزان =أنا الغموض فعالم الصـــمت دوري

أعجبنى الابيات السابقه التى قرأتها فى أحد المنتديات مع أنني لاأعرف من هو شاعرها............ حيث الابيات الرقيقه المشعه بالرومانسيه المفعمه بالحزن
المكتنف بالغموض المغلف بالاباء والتحدى والشموخ....فجاريتها على عجل ...أتمنى أن تروق لكم القصيدة ومجاراتنا لها مع أطيب أمنياتنا .....

لا تأسألوني ليه بالليل سهران=بس أسألوني ليه أكتب سطوري
لا تسألوني يطرب الشعر لا زان=وليا سألتوا خوذوا الرد فوري
لا تأسألوني جرح الايام ما بان=بس أسألوني كيف تم العبوري
لاهان رأس(ن) يرفض الذل لاهان=عاش بكرامة وأن سكن بالقبوري
والبيت مايبنى على غير عمدان =بيت الشعر يبنى بوسط القصوري
بيت(ن) بلا قفل (ن) وسور(ن) وبيبان=وبيت(ن) كما بنك(ن) بقفل وتجوري
أحد(ن) يموت بداخل النيل عطشان=وأحد(ن) روى من نبع حزن(ن) يفوري
وأحد(ن) يدور سدرة(ن) ما بها أغصان=وأحد(ن) كسى صحراه بورد(ن) وجوري
الحق نور(ن) والحقائق لها شأن=وباب الهوى صكه ليا طعت شوري
أنصحك ياللي تحسب الحب سلوان=الحب جرح(ن) غائر(ن) بالصدوري

[table1="width:95%;"]

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

بن فرهود و رابح الجحدلي

صحت ابدانكم
الله لايهينكم على نبيل المرور ورائع الشعور

دمتم بألف خير

لاهنت وصح السانك

تقبل التقدير والاحترام

وفقك الله

لاهنت اخوي نادر صح السانك على هالمجاراه الجميله
لاكن باب الهوا من يقدر يصكه
اومن يقدر يفكه لصار مقفولن عليه

صح لسانك وبيض الله وجهك ودام ابداعك

تسلم ياالذيب على هذي القصيده الشامخه والرائعه بروعة حضورك الغالي