ابك الله الله يالاصيل العريقي

يالايمي لاتكثرون النعيقي = مانتم من اللي يثمنون الجزيلات
من فضل ربي دام حبلي وثيقي = ما نلتفت في قول عاذل وشمات
الجزل معشوقي وانا له عشيقي = ماني من اللي يعشقون الهزيلات
مادام حرفي من لساني طليقي = ألصوغ من جزل المعاني والابيات
اقدح زناد الفكر يقبس حريقي = ونحرق محاصيله ولوكان غابات
هذا الكلام الجد وهذا الحقيقي = شرفت ربعي في جميع المجالات
يشهد عدوي قبل يشهد صديقي = وألا انت مالك فالجزيلات مدات
صدري لك حجازي بسرعه يضيقي = مانحتمل لاجاتنا منك زلات
مالك قبوليه ولا لك نطيقي = ونجمك ماطابق نجمنا فالمجرات
وماهمني ترضى علي وتضيقي = تشرب بحر ولا بتشرب محيطات
مانته من اللي ينقذون الغريقي = ولاانته من اللي ينجزون المهمات
انته جبان ولا انت والله رفيقي = يامخلف ظنون المطاليق هيهات
تاصل مواصيلي وتسلك طريقي = يصعب على مثلك وشرواك بذات
وياحصان ياللي في صهيلك شهيقي = متميزً صوتك على كل الاصوات
ابك الله الله يالاصيل العريقي = ماتثني عزومك طوال المسافات
وانته عنانك فوق سرجك طليقي = ولاعاسفك فارس و كاسب سباقات
تارد على عدً رهاوي عميقي = ولا تضيع دروبك ولوكان لفات
ولا باقي الآ كل ريعً تويقي = من خوف لايفوتك من السبق جولات
لونك كما مزنن نشاله بريقي = والآ خيوط الصبح في ليل ظلمات
مير الله الله يالاصيل العريقي = دورت لك فعمان مالك سجلات
ساعات يغمابك وساعه تفيقي = من بعد مافانت عليك الونيتات
ياحصان ياللي في صهيلك شهيقي = اخذتلي من درس الايام عبرات
ان الزهر لاصار مابه رحيقي = ماتنقله نحل العسل للخليات
وان العسل لو طال واضحى عتيقي = يبقى غذاء صالح ويشفي لعلات