الأديب والأستاذ // أبو سلطان (( السينات )) لاهنت يالغالي :

ملخص اللحن :

أبو ذياب=
سلام يا أديبنا المعـروف=((محمد القايدي السينات))
على وفاء ودنا معـزوف=أجمل معانيـه فالأبيـات
السينات=
انظر اذا كنت تبغى تشوف=أجمل من الورد فالباقـات
ترحيب في منتدانا يطوف=ينصاك يا راعِيَ الوقفات
أبو ذياب=
تسلم وتبقى لنا مردوف=يامن بطيبك غمرت الذات
والاَن نبغى سعى ووقوف=لين الألم يوقف الاَهـات
السينات =
أكيد سعي معك مخلوف=لجل الوفا عندكم عادات
حسب العشم فيك والمألوف=نبغى المثل راجح الوزنات
أبو ذياب=
الشـك ياصاحبـي محـذوف=بين الأحبـه ولكـم أثبـات
عمق الحزن نار وسط الجوف=عند الذي باعـد الخطـوات
السينات=
من يومها والحياة صـروف=كم ذاق منها البشر ويـلات
ومهما الأسى زاد مافي خوف=لابـد تتغـيَّـر الـحـالات
أبو ذياب=
ياكم لجله صفّّقت كفوف = لجله يعيش الفرح لحظات
فجأه جنى من وراه حسوف = ظالم تعود على الطعنات
السينات=
لا تصدِّر احكام فيها جحوف=يرجع عليك الامر حسـرات
يمكن في بُعْدُه حصلُّه ظروف=واللا ظهر فالسما غيمـات
أبو ذياب=
لو شفت عيني عليه ترُوف =لاتلومه شاهدت مافات
طيفه وخياله معايه يحوف = ذكرى تعيد الألم دمعات
السينات=
على كـذا حالـة الملهـوف=اللي الهوى في فـؤاده بـات
يبقى بشوْقُه زمـن محفـوف=يمسي ويصبح مع اللوعـات
واليوم في حالكم ما اشـوف=الا الصبر يمسـح العبـرات
خللي الامل بالوصل معطوف=لابد توْصـل الـى الغايـات