ان كان غازي وده يجي الله يحييه

السباح=
سلام تسليمة الدين والمله -على اهل الدين والموقـف العالـي=الرجل تعرف مباديه من قوله -والمنتحي منتحي ويش اسوي له
اوقات ياماطيب البعد والذله- واوقات تقدم على المر والحالـي=والحر يمناه ماهي بمغلوله - ادعيه بالاسم وان غاب اوصي له
غازي مغيران الزغيبي=
يامرحبا ردةٍ عندي اجبله -لاشفت شاعر مباديه تحلالـي=اخذ معه عدة ابيات مفتوله-وقول خل المقفي ولاتجيلـه
مدري لونك قريب وصحيب اله-لاكني اظن مانته بمتعالي=اقرب قريب ودعواك محلوله-ياليلةٍ ماتعوض بهـا ليلـه
السباح=
ياطيب الاصل الاوضاع مختله - تغير الوضع فـي وقتنـا التالـي=والحق لو يزعل البعض ابا قوله - ما اجامل اللي نصب لي محابيله
ماهو قريبي ولاني صحيب لـه - لعلهـا تصاحبـه قلـة الوالـي=كم واحد يعجب بعرضه وطوله -في غرة اللي غفـل يلعـب بذيلـه
غازي بن مغيران الزغيبي=
ياصاحبي وش تبي داخل الحله-وانته لهالحين مدري من الغالي=كل البطاقات بالغيب مجهوله-ياشاعـرٍ ساريـن فـي تماثيلـه
انته ترا رخصتك جات من دله- تدرس اسبوعين وتسوق حمالي=تدخل بزحمه ويخلعك في طوله-لاجيت في شارعٍ ٍ فيه تحويلـه
السباح=
بطاقتي وافيه وامرها خله- لاتبحث المختفـي مالـك ومالـي=به عالمٍ صاحيه عنه مسئوله -وان كنت محتال ماتمشي الحيله
اعرفك من حرب ياراعي الفله -ذولا خوالي وانا عارفٍ خالـي=مادمت من حرب حرّابة الدوله-خلك مع الحق لاتقبـل الميلـه
غازي بن مغيران الزغيبي=
ماودي انك تحول مع الشله-ترخي سموعك على كل جوالي=الي ورا الخرج ماشاف هرموله-مانته قصيراٍ يومي بمنديله
ياراعي الهرجه الي بها ادله-في حال وبحال يالالي يالالي=محكم على هرجةٍ جات منقوله=لين افهم العلم بادق تفصيله
السباح=
مادمت تنصح عن الهرج والزله- وراك ترسـل مراسيـل وتلالـي=عليان يرثع وهو فوقه حموله-يسري بلا نور لـو لاح لـه زيلـه
في خاطره علم ماهو بواصل له-والبحث وصط البحر ضعف وهبالي=يبغاني احط زيته على فوله=واجيب له عود وارقـص وغنـي لـه
غازي بن مغيران الزغيبي=
ارسلت لك علم مانتـه بفاطنله-لاكـن الا وحـلالاه ياريالـي=ماودي اقول ابا اقفل الجوله=مـادام كـلٍ بملكـه محاصيلـه
انته معزب وخافيك لي فله-لا يروح ليلك مشاريـه وجدالـي=لاوصلت اخروجك اللي لها حثوله-لازم تغني يا دنيا من انتي له

شكرا يابو احمد