سلام والحرف ساق الحرف مطلوب الاستاذ بخيتان البشري على لحن هجيني

فايز المحيسن=
سلام والحرف ساق الحرف = يـم العـدود الرهـاويـه
اغرف وحنا معك نغـرف = من فيض بحر الهجينيـه
خابرك دكتـور ماتصـرف = ألآ بوصـفـات طبـيـه
أتعبت رجلي بكثـر اللـف = والجرح ماطـاب بالكيـه
بخيتان البشري=
يامرحبا بعد ما شـرف=يـم الديـار النحاويـه
الله عسى ربنا يالطـف=وجروح الاكباد حصريه
مهما بدت يالخوي تنزف=تبرى على حول حوليـه
وانته عن اسبابها اعرف=وحروفها لـك مقريـة
فايز المحيسن=
اعلم ترى صاحبك كُلف =يرسل دعاويـه ناريـه
عسا البقا مثلكم ينصف =مايحكم احكـام غيبيـه
يالين كل الدعاوي تكف =ونصدر لها احكام جذريه
مطلوب شاهد مع محلف =ولا تقبل احلـول وديـه
بخيتان البشري=
مادامت إن الامر مكلـف=وجتنا دعاويـك خطيـه
حضر لي الخصم ومعرف=والحـق مافيـه ماويـه
اذا ثبت حق لك نوقـف=خصمك والاحكام فوريـه
وبلا خصم حجتك تضعف=والعدل معروف مازيـه
فايز المحيسن=
ياقاضي ياللي حكم بالعُرف = واصدر لنا احكام مرضيه
كنّه في جوف الصدر مشرف = وينظر على خافي النيه
وشلون قدام لآ نوصف = خافي معاني و مخفيه
اصبت كل الذي نهدف = ولاخطيت هذي ولا ذيه

الله عليك يااستاذي ابومحمد
منجد اطربتني في هذا اللحن وكفيت ووفيت بيض الله وجهك
وصح لسانك مليارررررررررررررر ياذيب
والله اذهلتني في ردودك اللي على الجرح منجد كنك تنظر في خافي النيه
ابدعت ياذيب والله لايحرمنا منك
وشكرا على هذا اللحن يابومحمد