للقدير الشاعر فايز المحيسن مع التحية

	المشاركة الأصلية كتبت بواسطة سعودية

	ابدع في قمة الروعه صح لسانك استاذ بخيتان البشري على الابدااع وفي انتظار ابو ماجد ليكتمل ابدااعكم احترااامي

صح بدنك ولاهنتي ياسعودية

	المشاركة الأصلية كتبت بواسطة بخيتان البشري

	لا ياجويد البنا والساس = سلام طيب النبا مبداه اليوم من عشقها منحاس= كيف العمل فيه يامقواه

يامرحبا ياصليب الراس = ياللي على الطيبه مبناه
مادام جوف الصدر هوجاس = فانت الخليل الذي تبغاه

	المشاركة الأصلية كتبت بواسطة فايز المحيسن

	يامرحبا ياصليب الراس = ياللي على الطيبه مبناه مادام جوف الصدر هوجاس = فانت الخليل الذي تبغاه

تبقى وقيستّ فيك قياس = ميز وفكر يالصحيب وجاه
اصبحت من يمها حساس =كيف اعذل القلب كيف انهاه

ياسلام على البدع والرد
صحت الالسنه
متابعيييين
كل الود

محاوره جزله من الطرفين
ابداع في البدع وابداع في الرد
صحت السنتكم
والله يـعـطـيـكم الـعـافيــــة
بيض الله وجيهكم
تحياااااتي

هاك القلم وإكتب الاحساس = والقلب لا تحرمه فصباه
الجوهر الحر والاماس = نادر وكل العرب تهواه

	المشاركة الأصلية كتبت بواسطة فايز المحيسن

	هاك القلم وإكتب الاحساس = والقلب لا تحرمه فصباه الجوهر الحر والاماس = نادر وكل العرب تهواه

كل ما اكتب الحرف بالقرطاس = واسترسل الفكر يوم اقراه
القاه يشكي من الافلاس = واستصعبه ماكتب فحواه

	المشاركة الأصلية كتبت بواسطة بخيتان البشري

	كل ما اكتب الحرف بالقرطاس = واسترسل الفكر يوم اقراه القاه يشكي من الافلاس = واستصعبه ماكتب فحواه

إن كان وانت الذي نبراس = قليل صيد الجزل تلقاه
تكتب وتمسح على كراس = وش حيلت اللي يدوب خطاه

	المشاركة الأصلية كتبت بواسطة فايز المحيسن

	إن كان وانت الذي نبراس = قليل صيد الجزل تلقاه تكتب وتمسح على كراس = وش حيلت اللي يدوب خطاه

لقيت الاسباب بين (اقواس) = كل ما انكتب خاطري يمحاه
خايف على خده المياس = شمس الغلا بالوّله تصلاه

	المشاركة الأصلية كتبت بواسطة بخيتان البشري

	لقيت الاسباب بين (اقواس) = كل ما انكتب خاطري يمحاه خايف على خده المياس = شمس الغلا بالوّله تصلاه

إن كان جوف الصدر مرواس = صدق المشاعر تخط الآه
يسقي حروف الهوى بالكاس = وعذب اللحون الطرب تنصاه