قولي لابوك انا تضحيت رجال

قولي لابوك انا تضحيت رجال=وانتم ضحاياكم خرافين وتيوس
ضحيتي رجال وقفات وافعال=ماهوبخبلٍ همه يجمّع فلوس
قضى عليه الحب والحب قتال=عند الهوى كم راحت نفوس ونفوس
لكن انا ابى اصوم شهرين بالحال=وابرّي الذمه لو الحظ منحوس
لو ان حظي زين زينت الاحوال=وكسبت بالحربي جماله وناموس
طيّب وله قيمه وشيمه ومنزال=وشاعر قدير وعرفته ترفع الروس
قصايده عندي لها قدر واجلال=لو انها بغيري على راسه اتبوس
الله ياهو قال ثم قال ثم قال=لو هي على صم الحجر داسته دوس
لكن ماخليت له اي مدخال=واقفى وانا قفيت والسر مدسوس
وقفلت بيباني وقطّعت الامال=لين انبرى حاله مثل برية القوس
وجاني خبر ماصارله عبر الارسال=وحاست حزون الواقعه حالتي حوس
والموقع اللي كان لي معه مدهال=من بعد هاك الشخص ماهوبمانوس
الله يابوي انا تضحيت رجال=رجال عرف وطيب ماهو بدنفوس

الله يمسيك بالخير اخوي نداء وكل عام ونت بخير


صح السانك على هانص الكثر من رئع ويسعدني ان اكون اولا مشارك

تقبل مروري وحترمي

صح لسانك يانداء الغيداني والله يعينك هذي الدنيا الله يكفينا شرها
تقبل صادق الود والتقدير

الله يابـوي انـا تضحيـت رجـال
رجال عرف وطيب ماهو بدنفـوس

الله الله يا ابو سامي

كل قصيدة احسن من اللي قبلها صحيح من قال انك شاعر تغرف من بحررررر

صح لسانك على هذه القصيدة الجزلة و النص الجميل ...

و ياما راحوا ضحايا قبل هالرجاااااااال

صح لسانك مرة اخرى و دمت بخير

الشاعر نداء الغيداني صح لسانك واعتلا شانك

ابو سامي
لاهنت
وبيض الله وجهك
على هذه القصيده الجزله

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

الشاعر ندا الغيداني
صح السانك

صح الله لسانك
ولاهنت
وسلم فكرك وبنانك
دمت برعاية الله وحفظة

استاذي القدير والشاعر الجزل ....نداءالغيداني...
يسعدالله جميع اوقاتك والله يطوّل عمرك
استاذي ....صح لسانك وعلا شانك على هذه الدره الجميله
صغت حروفها بالذهب وطرّزتها بأغلا الجواهر وليس غريب عليك سبك وحبك مثل هذه الدره

استاذي .....لعنايتك جل احترامي وتقديري