ديوان الشاعر(بخيتان البشري)

ياليلة العيد وين العيد = ادوره وين دليني
كل مالليالي هذيك تعيد = عليّ طرياه يطريني

ياعيد الافراح وإن غابت = بحضورك العيد ماهو عيد
اجساد إن جات وإن راحت = بأرواح فيها المآسي تزيد

كم من عُذر من جنابك 0 كم = من كثرها 0 كم ماحسبها
بحط نفسي أصم أبكم = عليك نفسك تحاسبها

جمعتها من جناين ورد = وبالوّد غلفتها باقه
بهديه فالعيد يد بيد =واشواقي تعانق اشواقه

بخيتان البشري=
ماباقي الا عليّ بكره = والقلب يفرح بيوم العيد
لكن لفاه الآسى مُكرَه = كيف العمل فيه يابن عيد

[/quote]

علي عيد=
عيش الفرح واتركه مكره = يامن عن الصايبه ماتحيد
وما تلآم والآسي المكرِه = الله بمكره عليم وهيد

ذكرت غالين نسيوني = ونسيت لا بي اذكرهم
بالعيد لو مايهنوني = واجب عليه اهنيهم
عساه عايد ولعيوني = ماتغيب في عيد شوفتهم
لايزعلو او يلوموني = لو كان متأخرة جتهم

وآحرقتي آه لو تدري = اللي عشانك سببها منك
لو الفضا محتوي صدري = يضيق بي لاحكو0 لي عنك