ديوان الشاعر(بخيتان البشري)

بخيتان البشري=
طرفي على المشهد القاسي=وقلبي مع الواقع المحتوم
كيف التقط باقي انفاسـي=وباقي هواها بدأ معـدوم
نوارس=
لاينثني عزمك الراسي = يابادع القيل يازيزوم
وقدام لاتفك الاقواسي = اش الذي فالخفوق يحوم
بخيتان البشري=
ما استضعفت قوته باسي = لكن ثنت بالعزوم عزوم
كم عانقت نشوتي ياسي = بالخافق اللي بهم ميسوم
نوارس=
مادامت الوضع منحاسي=واتبدلت فالعلوم علـوم
مايجتمع عذب الاحساسي=واحدٍ من العاطفه محروم
بخيتان البشري=
قيستّ بالمنطق قياسي = لقيتني بينهم مقسوم
هذاك ذاتي ومن ناسي = وفي ودّ هذا حُكم محكُوم
نوارس=
الوضع يحتاج لسياسي=بُعد النظر فاللزوم لزوم
خليك للمسأله حاسي=قدام بكره يجيك اللوم
بالحق ياجيد الساسي=مادام عقد الوفا منظوم
لغيوم الامال حرّاسي=ماحيّ من غيثها معصوم