ديوان الشاعر(بخيتان البشري)

علي عيد=
جزل المعاني بطيّ بيوت=حروفها من شعاع النور
سلام سطرلكم فالنـوت=يامن لكم خاطري مسرور
بخيتان البشري=
من درها نجني الياقـوت=وتغوص الافكار كل بحور
ترحيب طعمه شراب التوت=يامن بكم انشراح صـدور
علي عيد=
قدام ليـل الصفـا لايفـوت=نبغـى لنـا فالمعانـي دور
وعذب اللحن نعزفه له صوت=يطرب ليا سمعه الجمهـور
بخيتان البشري=
لو فات يبقى نهاره قوت = للي في عذباتها دكتور
صفّت حروف المثل في يخوت= موكب بكم امرها منظور
علي عيد=
ماتعوز فالمعرفة لنعوت = لاشك انته بها مخبور
المرء تأتي عليه وقُوت = من جورها خاطره مكسور
بخيتان البشري=
شرواك في صرفها منعوت = وانا في حزة اريد الشور
سكون فيه القضية سكوت = اصحابها في ذهول شعور
علي عيد=
كــــــــلآ فــــحــــــــيـاتـــه تـــــجــيــه بــخــوت = تــيــارهـــــــا لــلــــجـــمـــيـــع يــــــــــــــدور
حـــــزات تــــلـــــفــــي عـــلـــيـــه بـــــغــــــوت = ويـــعــــيـــش مــــن فــعـــلـــها مـــذعـــور
بخيتان البشري=
يقين واقع عليه ثبوت = يفوق وصف الخيال ظهور
غيمة على وقتها الموقوت=منها حمم بالفؤاد تثور
علي عيد=
مــكــتـوب لـلــعـبـد قـــبـل يــمــوت = يــســتــــوفــي الـــحــــق والــمـــقـــرور
لايـــزيـــد نــفـــســه أســى وشـمــوت = ويــــصـــالـــي الـــــهـــم والـــــتــــــنـــور
بخيتان البشري=
مدلولها فوق رؤس بيوت = ويشقى الفكر من عليه تحور
تكررت والامر مكبوت = بالقلب مابين جور وجور
علي عيد=
اشوف علمك ماهو مفلوت=ومثبتـه بعتمـاد مهـور
لو تشغل البال راح شتوت=فكرك وياصل بك المحذور
بخيتان البشري=
اعيش مع حالته مبهوت = اليا حكالي خفى مجبور
البست وفد الحروف بشوت = في ختامها ياعلي مشكور

بخيتان =
لأديبنا الشاعر السينات = با اطيب تحية مع التقدير
بسألك لاخابت الهقوات = لاجات فالوجه كيف اتدير
بثقات لثقت علوم ثقات = دون العمى احتمت ببصير
ميزت والفكر راح شتات= بعد رموها بقاع البير
السينات=
ترحيب متبوع ترحيبـات=يا من على الطيبات يسير
لك عندنا ارفع القامـات=آسف وعُذراً عن التأخير
معادن الناس مختلفـات=منها الجواهر وفي قطمير
والحر يظهر من الوقفات=ما يوم تلقى منه تقصيـر

ياطيف الالوان لاتخلط = خيالها لوحة التصوير
مع رسمها شي لاتربط = وتقلنا خانك التعبير

تضحك عيوني بدمع الفرح = وتبكي بها دمعة احزاني
الي بها في خفوقي جرح = يحيى على طيف خلاني

ياسلوة الروح ياذاتي = يانور عيني وبؤرتها
تدري وش اكبر معاناتي = لا فارق الروح سلوتها

ضاع العُمر في سجُون الهم = كل ماخرج تُهمه ترُده
لين الزمن قلت لُه ياعم = ماجاه يكفيه و يسده

حفيد الحجيري=
سلام فالوصف مثل بليه=معناه . يشبه مارادونـا
بالهِدّ و الكعب و التمويه=تمريرة أهداف مجنونـا
بخيتان =
ترحيب باوصاف من روجيه=وابداع ميسّـي لـه لونـا
بتسحيب ومراوغة يعدّيـه=الخصم 0والقول مضمونـا
حفيد الحجيري=
تبقى يا هدّاف ما شكْ فيه=لأهدافه أسلوب و فنونـا
ليش النعيمه ؟؟ ومن ماضيه=في لعبه الغـش مكنونـا
بخيتان =
مع فنك ابداعنا نبديه = ياصانع اللعب مقرونا
قانونه اللعب مايحميه = ياكم نهائي يخسرونا
حفيد الحجيري=
لا عرقل الخصم مد يديـه=وكل البـراءات فعيونـا
ولا جاه ماجد فشخ رجليه=واستسلم لفـن مجدونـا
بخيتان =
معروف !! بس الحكم ينويه = لإصابته مايورونا
من فيهم لماجد يغطيه = وبالهِدّ صعبة ينطونا

مجنون ماله دواء في شهار =خِله دواء وين ماشافه
وبامر الولي شاءت الاقدار = مايلتقي يوم ميلافه

حفيد الحجيري=
من يمّنا ما يجيك خـلاف=دايم على العرف ممشانـا
والسيف يشهد له السيّاف=في كل ساحه و ميدانـا
بخيتان البشري=
الصيف وقت النخل لاصاف = ياللي على صيف لبنانا
يابو علي الشفر والهاف = في سباقهم خش نيسانا

ترفقي ياجروحي بي = وتلذذي في معاناتي
اخترت نزفك دوا غلبي = اتقبله في مواساتي