ديوان الشاعر(بخيتان البشري)

بخيتان البشري =
مايختلف شكله الظاهر=عن باطنه بالوفا لا فاح
سلام 0 مع ليله الساهر=يبقى الى فالق الاصباح
وليف الشوق=
باعداد مافالبشرطاهـر=واعداد ماخطت الالواح
ترحيب بالشاعرالماهر=اللي معه خاطري يرتاح
بخيتان البشري =
تبقى على الطيـب ياقاهـر=جيش الآسى فالخوي لا ناح
كيف اقطفه ورده الزاهـر=ورحيلي اليـوم برقـه لاح
وليف الشوق=
ياصاحبي اليوم لا تجاهر=باالصبرتجني كثيرارباح
والوضع عادي ولاتباهر=كثير يامـا عليـنـا راح

نقرة ولاجابت ذِراها = ما جمّل السوق راعيها
شقى عليها وذراها = ومكاسبه غُرم تاليها

بالعين تبقى ولك قسمي = لاشك مع كثرها يفرق
ياملتقى حرب يالرسمي = ياصرح طول المدى مشرق

راسم مشاعر=
في إدارة متابعـة بخيتـان=والون عودي مُخيف وصعب
يجوز يحسم مـن القيفـان=ويرفع تقارير ضد الشعـب
بخيتان البشري =
لاشك بالملتقى اخـوان=ولايغير اطباعنا المنصب
ما فيكم المفتن الفتـان=اللي يعاوز علاج وطب

اعداد ما فالبحور وما = في برها خلق مخلوقين
واعداد ما فالحرم لما = نبعث من حروف منطوقين
ترحيب فالكيف والكما = يليق برجال مرموقين
نعجز نعبر لهم مهما= قلنا بهم جعلهم باقين
اهل الوفا والنقا اما = في غيرها غير ملحوقين
والوصل يحييك مثل الما=ونبقى عن القطع مدروقين

محمد سعد اليوبي=
أشوف متغيـرة الألـوان=ذا اللون من قبل ما شفناه
الوحدة أخذتك يابخيتـان=والا الهلال اختلف ممشاه
بخيتان البشري=
في عالـم الاحتـراف الآن=وبابداعنا الجهـد توجنـاه
والعرض مغري مع الفرسان=لـو مايناسـب ماوقعـنـاه
محمد سعد اليوبي=
مثلك تحركت في الميـدان=قلت ألتقي لون حتى أنقـاه
شفت المكاسب مع الشجعان=من أول الوقت لين أدنـاه
بخيتان البشري=
مايخدم الحظ بعض احيان = عساك فالمقبلة تلقاه
لوكان مانلت شي كسبان = من بادي العلم لا منهاه

يابسمتي حزة الضيقه = يافرحتي وإنشراح البال
لو خاطري شي ماطيقه = بداخله 0لاهمستي زال

علي عيد=
جزل المعاني بطيّ بيوت=حروفها من شعاع النور
سلام سطرلكم فالنـوت=يامن لكم خاطري مسرور
بخيتان البشري=
من درها نجني الياقـوت=وتغوص الافكار كل بحور
ترحيب طعمه شراب التوت=يامن بكم انشراح صـدور
علي عيد=
قدام ليـل الصفـا لايفـوت=نبغـى لنـا فالمعانـي دور
وعذب اللحن نعزفه له صوت=يطرب ليا سمعه الجمهـور
بخيتان البشري=
لو فات يبقى نهاره قوت = للي في عذباتها دكتور
صفّت حروف المثل في يخوت= موكب بكم امرها منظور
علي عيد=
ماتعوز فالمعرفة لنعوت = لاشك انته بها مخبور
المرء تأتي عليه وقُوت = من جورها خاطره مكسور
بخيتان البشري=
شرواك في صرفها منعوت = وانا في حزة اريد الشور
سكون فيه القضية سكوت = اصحابها في ذهول شعور
علي عيد=
كــــــــلآ فــــحــــــــيـاتـــه تـــــجــيــه بــخــوت = تــيــارهـــــــا لــلــــجـــمـــيـــع يــــــــــــــدور
حـــــزات تــــلـــــفــــي عـــلـــيـــه بـــــغــــــوت = ويـــعــــيـــش مــــن فــعـــلـــها مـــذعـــور
بخيتان البشري=
يقين واقع عليه ثبوت = يفوق وصف الخيال ظهور
غيمة على وقتها الموقوت=منها حمم بالفؤاد تثور
علي عيد=
مــكــتـوب لـلــعـبـد قـــبـل يــمــوت = يــســتــــوفــي الـــحــــق والــمـــقـــرور
لايـــزيـــد نــفـــســه أســى وشـمــوت = ويــــصـــالـــي الـــــهـــم والـــــتــــــنـــور
بخيتان البشري=
مدلولها فوق رؤس بيوت = ويشقى الفكر من عليه تحور
تكررت والامر مكبوت = بالقلب مابين جور وجور
علي عيد=
اشوف علمك ماهو مفلوت=ومثبتـه بعتمـاد مهـور
لو تشغل البال راح شتوت=فكرك وياصل بك المحذور
بخيتان البشري=
اعيش مع حالته مبهوت = اليا حكالي خفى مجبور
البست وفد الحروف بشوت = في ختامها ياعلي مشكور

بخيتان =
لأديبنا الشاعر السينات = با اطيب تحية مع التقدير
بسألك لاخابت الهقوات = لاجات فالوجه كيف اتدير
بثقات لثقت علوم ثقات = دون العمى احتمت ببصير
ميزت والفكر راح شتات= بعد رموها بقاع البير
السينات=
ترحيب متبوع ترحيبـات=يا من على الطيبات يسير
لك عندنا ارفع القامـات=آسف وعُذراً عن التأخير
معادن الناس مختلفـات=منها الجواهر وفي قطمير
والحر يظهر من الوقفات=ما يوم تلقى منه تقصيـر

ياطيف الالوان لاتخلط = خيالها لوحة التصوير
مع رسمها شي لاتربط = وتقلنا خانك التعبير