نسمة الليل؟؟؟؟

قصيدتي سميتها نسمة الليل=لجله ويبقى سرها في بحرها
حفظ الآمانه من حمول الرياجيل=يوم الضعيّف خانها ماقدرها
بصحب قوافي نسمة الليل وآطيل=تفصيلها والمبهمه نختصرها
قصة غلا ماهي خرافه وتمثيل= بنقل وقايعها وآحرر اصورها
على الشرف والعز مانقبل الميل=لي سمعة فوق الحياة اعتبرها
اسري وعيني ترقب الجدي واسهيل=الرجل أمشيها بخطة بصرها
والغدر مالي في مجاله مداخيل=عيني عن ابوابه رفيع نظرها
ببدع شعر وآذلل القاف تذليل=اطمح كذا وان عاندت ماحتكرها
ساحة شعر تروى لجيل بعد جيل=ماهو انا اول واحد مبتكرها
لبيه يارع الرموش المظاليل=اللي تناسق كحلها مع حورها
رسالتك تجتاز كل المراسيل=حروفها عندي تعادل ادررها
رسالة الغالي غلا مثل ماقيل=طبيعة بالنفس كلا ذكرها
آمر ولك مني حفاوه وتدليل=ياوردة البستان واحلى ثمرها
ياعود موز مع نسيم الهوى يميل=يلتف من حوله طوارف شعرها
من زهره اليافع ومن ورده اكليل=فيه امتزج لون الخدود وقمرها

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وارتفع شانك

يازهرة البستان واحلى ثمرها
صح لسانك ياعيسى
ابداع

صح السانك ياعيسى

قصيده جزله من شاعر جزل

دمت بخير

قصيده جزله من شاعر جزل
اخوي عيسى
صح لسانك
ابدااع
احترااامي

	المشاركة الأصلية كتبت بواسطة رابح الجحدلي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك
اشكرك على مرورك
المشرف

	المشاركة الأصلية كتبت بواسطة هواوي

	صح لسانك وارتفع شانك

صح بدنك
لاهنت

	المشاركة الأصلية كتبت بواسطة خالد بن مبيريك

	يازهرة البستان واحلى ثمرها صح لسانك ياعيسى ابداع

صح بدنك
ياغالي
لاهنت

	المشاركة الأصلية كتبت بواسطة سعودية

	قصيده جزله من شاعر جزل اخوي عيسى صح لسانك ابدااع احترااامي

صح بدنك
اشكرك على مرورك
الراقي
تحياتي