الحــــــــــرف كالطير.......................

حفيدالحجيري=
الحـرف كالطيـر لا قيِّـد = يمـوت نبضـه و اِحساسـه
خلّـوه يحكـم و يتسـيّـد = ومن .. لا معه .. يعلن اِفلاسه
بخيتان البشري=
ياحرف بالقمة محيّـد = يتنفس ابداع مع ناسه
لكـن لاخمـه سعيّـد = في ذمتي يخنق انفاسه
حفيدالحجيري=
يا سعيّد الحرف له سيّـد = وكلاً حسب بنيه و ساسه
ومنهو على القمه وحيّـد = ما تهز نسمة هوى راسه
بخيتان البشري=
مقاشر اليـوم وعنيّـد = عليك بنشـدد حراسـه
الكل وبنـاه لـه شيّـد = ولايصرف الا من الماسه
حفيدالحجيري=
نرجع على الخط ما نحيّد = ما دام بيّن لنا قياسـه
واللي له العلم متقيّـد = ما ينقصه فكر و سياسه
بخيتان البشري=
ماخانتـه هقـوة الجيّـد = ومثلك على الحرف نبراسه
طاب اللحن واسمك مقيّـد = في دفتـر إبـداع فُراسـه

ياســــــــــــلااااام على الابــــــــــــــــــداااااااع

الغالين ابوعلي وابومحمد

صحت السنتكم مليووون وبيض الله وجيهكم ودام عزكم

محاوره بدع ورد قمة الروعه والجمال وليسى غريبه عليكم يابشر

دمتم على الف خير