ديوان الشاعر ( حفيد الحجيري )

الحجيري=
الحـرف كالطيـر لا قيِّـد=يمـوت نبضـه و اِحساسـه
خلّـوه يحكـم و يتسـيّـد=ومن .. لا معه .. يعلن اِفلاسه
بخيتان=
ياحرف بالقمة محيّـد=يتنفس ابداع مع ناسه
لكـن لاخمـه سعيّـد=في ذمتي يخنق انفاسه
الحجيري=
يا سعيّد الحرف له سيّـد=وكلاً حسب بنيه و ساسه
ومنهو على القمه وحيّـد=ما تهز نسمة هوى راسه
بخيتان=
مقاشر اليـوم وعنيّـد=عليك بنشـدد حراسـه
الكل وبنـاه لـه شيّـد=ولايصرف الا من الماسه
الحجيري=
نرجع على الخط ما نحيّد=ما دام بيّن لنا قياسـه
واللي له العلم متقيّـد=ما ينقصه فكر و سياسه
بخيتان=
ماخانتـه هقـوة الجيّـد=ومثلك على الحرف نبراسه
طاب اللحن واسمك مقيّـد=في دفتـر إبـداع فُراسـه