وجه الشبه.....

اليكم هذه الكلمات وارجو ان تنال استحسان البعض ولنا عوده وللحديث بقيه..........................

ليه السماء مافيه سحب(ن) ولا غيوم=وليه السماء مافيه حتى غمامه
ليه السماء مافيه بـدر(ن) ولا نجـوم=وليه السماء قام يتزايد جـهـامه
وليه النظر يم السماء يـبـطي الحـوم=طال السهر والعين عافت منامه
يامن يـخـبـرني قـبـل يأتـي الصــوم=والا تـرا الصـايم يـتـمـم صيامه
يامن يساعــدني عـلى جـمـلـة عـلـوم=وجه الشبه مابين غراب وحمامه
ووجـه الشـبـه مابـين المـوت والـنـوم=ووجه الشـبه مابين جيد ورخامه
ووجه الـشـبه مابين مـعـطى ومحـروم=ووجه الشبه مابين نور وظلامه
ووجـه الـشـبه مابين تـريـاق وسـمـوم=ووجه الشبه مابين ذل وكرامه
ومن خـلـقـت الدنـيـا الى يـومـنا الـيـوم=ومن يـومـنا هـذا لـيوم القيامه
دنــيــاك ماتـبـقـى عـلـى وضــعـهـا دوم=دنــيـا تـخـالط حـلها مع حرامه
ولا صرت يا السباح ماتعرف الـعـوم =خلك على الشاطىء وتجني سلامه
ولا صرت يالخيال ماتـنـطـح الـقــوم=ألزم حصانك وأحـتـفـظ فى لجـامه

دنــيــاك ماتـبـقـى عـلـى وضــعـهـا دوم
دنــيـا تـخـالط حـلها مع حرامه
صح لسانك
صدقت
فهي لاتثبت على حال
لذالك سميت الدنيا
تقبل تحياتي
ومروري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه

عيسى العوفى ورابح الجحدلى وبن فرهود الحربى وابو فياض النويمى

صحت ابدانكم
وكل التقدير والشكر للمرور الرائع والمشاعر الكريمه وحسن التواصل

الاخ القديرنادرالنادر

صح السانك ودام ابداعك وبيض الله وجهك

تسلم ياالذيب على هذي القصيده الجزله والرائعه بروعة حضورك الغالي

دمتم على الف خير

وليف الشوق

صح بدنك ولك تقديري وشكري على مرورك وطيب شعورك
دمت بخير