لا صايده ساهر ولا صايده طرق

أعجبتني الابيات (لا هب نسناس الحبايب من الشرق)
لعذوبتها وسلاستها وترابط المعنى بها وجمال قافيتها
ولقد وجدت نفسى مدفوعا لمجاراتها على الرغم أننى لست
مع شعر الغزل لما به من حسره وألم وحرقه ومعاناة أو لما به
من وصف وهيام وتوجد يفوق الحدود وابتذال قد يخرج عن نطاق
الادب والذوق العام ويخدش الحياء العام والتقاليدالاجتماعية....

وأنا اذا أتحدث هنا لا اقصد بقولي هذا القصيدة التى أوردها احد الاخوة بأحد المنتديات

ولكن هذه وجهة نظري بالنسبه لشعر للغزل بشكل عام لذا لا أحبذ طرق هذا الباب الا مندر وبالنهج الذى يتوافق مع قناعتي الشخصية وتوجهاتي الفكرية.....

لاهب نسناس الحبايب من الشرق=تواردت نفحات همي وطيفه
أقبل علي مواصله فأول البرق=وتكاشفت غيم العتب والكسيفه
أصد لكن خد الأشوآق بي غرق=تهاملت سحبه على حر صيفه
ياويل ويل الويل مع مفرق الطرق=ويا ويل ويل مواجهه والنكيفه
أقبلت يا محرق فواد الهوىحرق=أقبلت ياغدر الزمان ووليفه
يا مرحـبآ لك في حلاها مية فرق=يا مرحـبآ ياسيل قلبي وريفه
لو شفت طعنـآتك على خافق يزرق=تمآيلت الأضـلآع لجلك سخـيفه
تمون وتمون المواجع علي طرق=معزبك مرضيه دآم أنت ضيفه
ارق بمعاليق الحشى ارق ثم ارق=ارق وتربع فوق عالي المنيفه
شف حبك اللي سارقن خافقي سرق=شف صورتك بأحلى الملآمح طريفه
في كل يوم أنوح مع نايح الورق=وأذوب في دهم الهجـوس العصـيفه
طـآل الغيـآب وهبني نسمة الشرق=طـآل الوعد ياقلب نجم وخـريفه

مجاراتي للقصيدة

كريم يا مزنن تكاشف به البرق =يسري به الساري تكاشف رفيفه
من أقصى الشمال واصلن برقه لعرق=سيله حقاق فوق نجدالشريفه
جهزت لي موتر زرق بالوطا زرق=تطوى له البيدا على كيف كيفه
مر المراكز مارقن بينهن مرق=ما يّهدي السرعه ولا أحدن يقيفه
لا صايده ساهر ولا صايده طرق=مثل الشعيب اللي غشاكم وحيفه
وصل سلامي لا تكثر به القرق=أحلى سلامن والنوايا نظيفه
راع الهوى حبه جرى داخل العرق=دربه خطر يمشي دروبن مخيفه
الله يجيرك من حياتن بها درق=راع الهوى دايم حياته كسيفه
حطوا على قلبه وسومن بها عرق=وعنتر لعبله ما شفع فيه سيفه
من الذى شايف على لمعة البرق=بسمة غدر بانت ثنايا رديفه؟
ترا الهوى غدارما بالهوى فرق=مثل رديفن لا لقيته تعيفه
أهل الهوى فيهم قلوبن بها حرق=الله يعين أهل القلوب الكفيفه

صح السانك

على هذه المجاره

ابدعة مليون صح السانك

يا نادر والاهنت

صح لسانك مليون على القصيده
والله يعطيك العافيه
بيض الله وجهك

	المشاركة الأصلية كتبت بواسطة نادر النادر

	أعجبتني الابيات (لا هب نسناس الحبايب من الشرق) لعذوبتها وسلاستها وترابط المعنى بها وجمال قافيتها ولقد وجدت نفسى مدفوعا لمجاراتها على الرغم أننى لست مع شعر الغزل لما به من حسره وألم وحرقه ومعاناة أو لما به من وصف وهيام وتوجد يفوق الحدود وابتذال قد يخرج عن نطاق الادب والذوق العام ويخدش الحياء العام والتقاليدالاجتماعية.... وأنا اذا أتحدث هنا لا اقصد بقولي هذا القصيدة التى أوردها احد الاخوة بأحد المنتديات ولكن هذه وجهة نظري بالنسبه لشعر للغزل بشكل عام لذا لا أحبذ طرق هذا الباب الا مندر وبالنهج الذى يتوافق مع قناعتي الشخصية وتوجهاتي الفكرية..... لاهب نسناس الحبايب من الشرق=تواردت نفحات همي وطيفه أقبل علي مواصله فأول البرق=وتكاشفت غيم العتب والكسيفه أصد لكن خد الأشوآق بي غرق=تهاملت سحبه على حر صيفه ياويل ويل الويل مع مفرق الطرق=ويا ويل ويل مواجهه والنكيفه أقبلت يا محرق فواد الهوىحرق=أقبلت ياغدر الزمان ووليفه يا مرحـبآ لك في حلاها مية فرق=يا مرحـبآ ياسيل قلبي وريفه لو شفت طعنـآتك على خافق يزرق=تمآيلت الأضـلآع لجلك سخـيفه تمون وتمون المواجع علي طرق=معزبك مرضيه دآم أنت ضيفه ارق بمعاليق الحشى ارق ثم ارق=ارق وتربع فوق عالي المنيفه شف حبك اللي سارقن خافقي سرق=شف صورتك بأحلى الملآمح طريفه في كل يوم أنوح مع نايح الورق=وأذوب في دهم الهجـوس العصـيفه طـآل الغيـآب وهبني نسمة الشرق=طـآل الوعد ياقلب نجم وخـريفه مجاراتي للقصيدة كريم يا مزنن تكاشف به البرق =يسري به الساري تكاشف رفيفه من أقصى الشمال واصلن برقه لعرق=سيله حقاق فوق نجدالشريفه جهزت لي موتر زرق بالوطا زرق=تطوى له البيدا على كيف كيفه مر المراكز مارقن بينهن مرق=ما يّهدي السرعه ولا أحدن يقيفه لا صايده ساهر ولا صايده طرق=مثل الشعيب اللي غشاكم وحيفه وصل سلامي لا تكثر به القرق=أحلى سلامن والنوايا نظيفه راع الهوى حبه جرى داخل العرق=دربه خطر يمشي دروبن مخيفه الله يجيرك من حياتن بها درق=راع الهوى دايم حياته كسيفه حطوا على قلبه وسومن بها عرق=وعنتر لعبله ما شفع فيه سيفه من الذى شايف على لمعة البرق=بسمة غدر بانت ثنايا رديفه؟ ترا الهوى غدارما بالهوى فرق=مثل رديفن لا لقيته تعيفه أهل الهوى فيهم قلوبن بها حرق=الله يعين أهل القلوب الكفيفه

صح لسانكم جميعا قصيده رائعه ومجارات اروع وتسلمون والله يحفظكم

وشوقتونا للمجارات وهذه مجارات للاخوان واسمحولي على التقصير

ياما حلاء مزن تزبر وبه فرق =فرحوبه بيوت النطو والقطيفه
اهل الضعون اللي حموهن عن السرق=واهل المدن فرحو بطشة هتيفه
وغرد بها طيرن وناحت بها ورق=تسجع بصوتن وسط دوحن كثيفه
مريت مستعجل مروري ترى مرق=واستوقفن قافن شكى من وليفه
حبايب (ن)شعو ونارو كما البرق=اهلا هلا بالخير وايضاء رديفه
اثنين متصافين مانطول الهرق=ولاودي اصور سحابه وصيفه
غالين ماينزل غلاهم وهو يرق=في مهجتي حبك قديمن مضيفه
ترى المحبه حس ماتنذرق ذرق=وزلة حبيبك ماتعده هديفه
شفيعنا رمحه على الكفر له زرق=نبينا الهادي ومكرم لضيفه
معصوم وغيره يخطي الدرب والطرق = وبعض الخطا ماقيل وسطه كليفه
هدي من الروعه ولا وصلت الحرق =حبيب لو زادت جروحك لطيفه
من بعدكم شفني اهذري ولي قرق=يشبه لقرق اللي عيونه كفيفه
وماتبدل الاحرار بطيور هي برق=يسلم حبيبي بفزعته والوظيفه

صحت السنتكم وابداعكم الرائع
كلام جميل من الشاعرين
الله يعطيكم العافيه
/
\

عبدالله الحنينى ورابح الجحدلى ومسند الحويفى وابو فياض النويمي
صحت أبدانكم والله لايهينكم على المرور الرائع والمشاعر الكريمه
أتحفتونا بمروركم الغالي وروعة مشاعركم النبيله
وأشكر لك ياأخ مسند المجارة القيمه وحسن التفاعل وصح لساك اليوم ودوم

الاخ القديرنادرالنادر

صح السانك ودام ابداعك وبيض الله وجهك

تسلم ياالذيب على هذي القصيده الجزله والرائعه بروعة حضورك الغالي

دمتم على الف خير

وليف الشوق

صح بدنك
والله لايهينك على كريم المرور ورائع الشعور

صحــت السنتكــم
دمتم برعاية الله وحفظة

جميع القصايد الموجوده بهذا المتصفح
من القصايد الجزال ولا يكتبها اي شاعر
ولا اي شعراء لا تكتب الا من شعراء
عماااالقه واصحاب تجارب شعريه
وهذا ماتسبب في تميز هذا المتصفح
فاللا مانه هذه القصايد هي من مدارس
مختلفه ولكل قصيده اداتها الكتابيه
فكلاهما التفقت على الابدااااااع النادر
تقبلو صادق التحايا