ديوان الشاعر سالم البشري

سالم البشري=
الله ياليتني رسّام=وارسم مشاعر تلازمني
والخوف يوم امسك المرسام=صعوبة الوصف تهزمني
ماجد أبو مديده=
إنتـه رسمـت الهـوى بإحكـام=وتـقـول فــي شــي يحكـمـنـي
لاتـطـري الـخـوف والأحـــلام=ومن وصفك العذب تحرمني
سالم البشري=
أحياناً المرء ماينلام=وانته بعد جيت علمني
بوحي تجاوز مدى الأقلام=وصمتي على الوضع يآلمني
ماجد أبو مديدة=
عزيز ماآرضى عليك ألآلآم=لكِّن عـن الـوضع فهِـمْـني
لأنها دورة الأيـام=لاحطـمّـتـكُم تحطّـمْـني
سالم البشري=
وافي وشرواك يامقدام=فالمر والحلو قاسمني
لكن وسط العلوم اعلام=لاخفيتها منت لايمني
ماجد أبو مديدة=
إنته على الصمت ماتنلام=لـكِـن قـضـيتك تلزمني
ولو بالإشاره تجيك أحكام=أشِّـر ولـلـعِـلم سـلِّمني
سالم البشري=
لاجل الوفا ماشكيت ازيام=داريت والطيب زايمني
حتى بدا للفؤاد اخصام=خوفي مع الوقت ترغمني
ماجد أبومديدة=
مهمـا يزيـد الزحـام زحـام=فالعـزم مِـثـلـك معـلِّـمـنـي
إرغِم خصوم الفؤاد إرغام=وإن خانـك الوقـت كلمنّـي
الـحـق ماينـكِّـس الأعــلام=ياللي مِن أجلُـه محكِّمنـي
أنـا أردع الجـايـر الـظّـلام=فــورآ لـيـا قِـلــت ظالـمـنـي