بيني وبين الشاعر طبعي الوفاء

القلب ألآبيض=
يا الاحمدي عطنى علومك باترتيب=نبقى علومك يا زعيم السريه
الذيب اظنه دايم يخاوي الذيب=يازينها خوت زميل لخويه
طبعي الوفاء=
العلم طيب ياخوي المراقيب=ياصاحب(ن) طيبه تناثر عليه
إنته علم فوق راسه لواهيب=ويازينها خوتك لو هي شقيه
القلب ألآبيض=
حيا الله اللى ياخذ العلم وجيب=عساك سالم من سهوم المنيه
العالي الله دون شكا ولاريب=مابي شقاوه كان للبندقيه
طبعي الوفاء=
سلمت ياراعي الوفى والمواجيب=عساك تسلم من شرار البليه
الحمدلله والمنى عالم الغيب=يعلمبها ياصاح ماهي بيديه
القلب ألآبيض=
عندي امل ورجو عسا فيك ميخيب=ياسائق الفنجال والشاذليه
نبغاك تاتينا بصاف المشاريب=حتى نتخاوى طول ما الروح حيه
طبعي الوفاء=
الشاهد الله منك ماشفت أنا العيب=والروح تفداكم وخذها هدية
وآنا يمينك وقت فيه المصاعيب=تاتيلكم ياصاح وقت الأسية
القلب ألآبيض=
وافي وابن وافي ولابك عذاريب=من ساس ربعا نارهم دوم حيه
ارحامنا يامنقع الجود والطيب=منتم على الجران راعي خطيه
طبعي الوفاء=
فيك الأمل والحب والخلق والطيب=موروث من جدك ولافيه زيه
ربي يخليكم ياعيال المواجيب=ويغفر لك ذنوبك ولتجيك سيه

اخي الشاعر القدير طبعي الوفاء ماجاء منك قصور وبيض الله وجهك وتروح وتجي با السلامه ولنا لقاء بعد العيد ان شاء الله

عما لقة شعربيض الله اوجيهكم وصحة السنتكم
مليووووووو ن على المحا وره الرااااا قيه

صحت السنتكم
والله يعطيكم العافيه
بيض الله وجيهكم

صح لسانك وبيض الله وجهك