إلى ( ناصر الحجوري ) من ( أبومديده )

أخي العزيز الشاعر القدي
ناصر الحجوري
أشكرك على سعة صدرك وأستمتعت بالتحاور معك

خلاصة اللحن بين
أبومديده & الحجوري

أبومديده=
شمس المثل مِشرقه بالنـور=مجـدِّده ذكريـات الأمـس
وأنا أعلم إنك رجُل مشهـور=تمشي على ضو نور الشمس
الحجوري=
الصبح فاح بعبير زهور=يازارع الفل والنرجـس
صادق وهذا الخبر مقرور=لجله من اخبار ماتنـدس
أبومديده=
مشيك ورا الشمس ماهو زور=مقرور مافيه طمس وعمـس
والأن ياشاعـر الجمـهـور=نقبِس رزين المعاني قبـس
الحجوري=
مشكور ياشاهدي مشكور = مثلك على الحق مايطلمس
شوق الربابه على المجرور = شوقي على حرفك المؤنس
أبومديده=
اللي نزل في بحر مسجور=مختار دربُه بطيبة نفس
كيف إيتسيطر على البابور=إليا حسب حِسبتُه بالعكس
الحجوري=
اللي نزل مانزل مجبور = من ذات نفسه ومستأنس
أما البحر بين سنّه وصور = وغدره مايخفى على ريس
أبومديده=
نيران تلهب ونار تثور=جوف البحر دوم تحمس حمس
أخاف غلطه من المذكور=يصبِح بعّدَها لغيرُه درس
الحجوري=
لو تنصحه لصالحه مأجور=حتى ولو ماسمع لك حس
أفضل من مشاهدُه مكسور=ويقول هذا حصيلي وبس
أبومديده=
أنا علـى معرفـه وأشـور=لو أنصحُه همس وألآ رمس
ومادام شايف غُزُر وبحور=عقلُه يقدّيه عِند الغطـس
الحجوري=
صمتي نطق فاخر المسطور=وحرفي لرد الفعـل محتـس
يامن في بحر المثل هامـور=وحرفك صخرّ لاغشاه الركِس
اللي في بحر المثل مغمـور=وطامس ركيك المعاني طمس
قبل المعاني عليهـا يجـور=حطت عليـه المعانـي( x)

تحياتي وأشواقي
ماجد عبدالله الجدعاني
( أبومديده )