أبعث سلامي أقدمها للشاعر الكبير محمد البدراني

	المشاركة الأصلية كتبت بواسطة محمد الجحدلي

	أبعث سلامي والبواعث موده = للصاحب اللي بين الأجواد له مدْ أسس على رووس المشاريف سِده= منصى وله مشرآق يشرق كما الغدْ وآقف على عُوده بحزمٍ وشده = يفرز معادنها بحنكه بلا حدْ حآز المعآلي بالعنا والمكده = تلقاه يوم الباس عالخاصره شدْ والآ الجمايل للفتى خير عِده = نِعمَ المكاسب لا توالت على اليدْ ما جات للنايم طريح المخده = ولا جات للي يدهن كريم عالخدْ ولا جات للي مشرب العز سَده = ولا جاته الطولة ردي البخت رد يفرَح بها اللي فالمقابيس زنده = امحمد اللي لا نا ديته محمْد القلب لا هاجت شجونه بحده = ارسلت له والقاف وآفي مفندْ لي صاحبٍ من لابتي كنت أعده = من جملة الصدقان فاليوم الاسودْ وألآ تباين لي تجآويف قِده = السوس ينخرها وفي جوف منهدْ صحيح فالميقاف نظره ولده = مثل الكحل لآ خط فالعين مرودْ يكشف لك الخافي بحجمه وبُعده = ويعطيك سر الساس واللي تشيدْ وابعث سلامي والبواعث موده = للصاحب اللي بين الاجواد له مد

الله الله يابو عبد الله
قصيدة تعدل المزاج
من وزن ومعنى عميق وأصيل والشاعر البدراني يستحق
لله درك
تقبل اعجابي الشديد بقصائدك
تحياتي