ديوان الشاعر(بخيتان البشري)

العطيب=
سلام يا الشاعر المرموق=قرب مادام الحن زانـي
انته احروفك تعلت فوق=وحنا لكم حسبة اخواني
بخيتان البشري=
ترحيب بأهل الأدب والذوق = وقتي وحرفي وقيفاني
تحت الطلب بأجزل المنطوق = لآخوي لو ين ماكاني
العطيب=
بك البقا ياثقـه ماثـوق=يانجم بكبد السماءبانـي
اللي عطا با العهود وثوق=ثم بعدها يا فتاى خانـي؟
بخيتان البشري=
لأهل الثقة بالثقات وثوق = ومن خان في حسبة الجاني
من لايوثق بأحد موثوق = خون المواثيق قوماني
العطيب=
كنت احسبه في حساب الموق=لكن طلـع شخـص خوانـي
المشكلـة قلبـي المسـروق=كيف ارجعه يـا الحميانـي؟
بخيتان البشري=
ماكان للماضية منطوق = بالعقل ترجح بالأوزاني
مادام لك وعليك حقوقك = ماتتركه مجني لجاني

الصامت=
محتار من أمس ومساهر=بسألك لو كان بالإمكـان
عند العضو ميزة الشاعر=ويشاهد المتواجدون الآن
بخيتان=
بأفيد حسب الذي خابر= شاعر من اول دخولي كان
العضو مع حضرة الزاير = سيان مع بعضهم سيان

حرب وهمس القوافي وابو عيد=
لأرض المقيطع لفينا وفود=كله لاجل خاطر الحجري
لكن من حظنـا المقـرود=إنا ماجيناه مـن بـدري
وقلنا نسيّر لراع الجـود=سالم علي سالم البشري
ولياه باب الامل مسـدود=الله من حظنـا المـزري
سالم وبخيتان=
مجيكم غاية المنشود = يامن لكم عالي القدري
ولازال بكم الآمل موعود = لأهل الوفا مثلكم نشري
نبغى الوعد بيننا مشهود = واجب لكم عنه مانزري
درب الوفا من قديم عهود = فالدم بيناتنا يجري

فايز المحيسن =
سلام ياحصـان الأطاليـب=فالطيـب دايـم مكاسيبـه
راعي وفا فالطلب مايغيـب=عند العرب مشتهـر طيبـه
القاف في ذكرهـم بيطيـب=ويزيـن للحـن ترتيـبـه
جاتك حروفي على ترتيـب=مـن بعـد مافينـو ذيبـه
الود فهذا الزمن لـه ذيـب=قطـاع مايرحـم مصيبـه
غبب قلوب البشـر بانيـب=و ياكثر منهـو مصاويبـه
صاحبك يشكي بعد ماصيب=فالقلـب بانـت ماغابيبـه
جوف الحنايا صواب عطيب=أشعل فصـدري مشاهيبـه
واليوم راسي أشتعل بالشيب=ماهو كبـر لجـل تعذيبـه
ياكيف هذي الجروح اطيـب=والصـدر تطفـي ملاهيبـه
بخـــيتان البشري=
يامرحبا واثني الترحيب = في دار يذري وتذِريبه
أهل الوفا للصواب تصيب = مع درب للطيب ترهيبه
الحرف راعيه يوم يجيب = يحسب حسابه وتحسيبه
والودّ بين البشر مايعيب = من عهد آدم تجاريبه
ماكل من يدخله كسيب = يبيع من ذا ويشريبه
مافيه دورة ولاتدريب = فالقلب معهد وتدريبه
ودّك رمى واحسن التصويب = بالحيل جرّح محاسيبه
صعّب عليك الأمر تصعيب = مابين بُعده وتقريبه
خلاك في خانة التعذيب= حاير وشوقك يغنيبه
وان سلت بالذوق والتهذيب = لاغيه واعرف أساليبه
يمكن يلاقي نداك مجيب = والود يوفي مطاليبه
وراع القناعه أبد مايخيب = كان الندا خاب تقريبه
هذا الذي نأمله تطبيب= ماغيره يفيد نوصيبه

معروف =
سـلام نهجـه سوايـرنـا=واهل الوفا ماتعـذر فيـه
حنـا حضرنـا وعبـرنـا=فرحه ومن غاب وش يعفيه
بخيتان =
ترحيب وافي ياشاعرنا = راع الوفا دايما نوفيه
وفيت واحنا ماقصرنا = ومن لا حضر حجته تحميه
معروف =
اللـي وفانـا وقـدرنـا=مهمـا نوفيـه مانجزيـه
وفاللي قصر عن محاضرنا=شرواك فالحكم نستفتيـه
بخيتان =
وفاه راعيه يجبُرنا = الدرب لو طال له نمشيه
وبأحكامه القن ما احترنا = والعرِف راعيه مايخطيه
معروف =
عكس الذي ماتصورنـا=وجانا خلاف الذي نرجيه
والعذر مايعّـذره عنـا=فاللازمه لو بغا يبديـه
بخيتان =
الواجب اللي إذا انكرنا = عليه ماصار ومسويه
نتبع بصيرة تبصِرنا = حسب العوايد وماتمليه

عبود =
سلام بأحلاعبيره فـاح=مني على جملة الوافين
والان قلب الشقي ارتاح=يبغى لحونه مع الصافين
بخيتان البشري=
ترحيب ريحه شذا فـواح=ننصى به اصحابنا الافين
دام الشقى عن فؤادك زاح=قود المثل وابدعه قافيـن
عبود =
زل القلم بالكلام وبـاح=مكنون قلبه على الشاكين
فجأه تباين قمرها ولاح=وعاد الامل للذي راجين
بخيتان البشري=
على القلم غلطة المزاح=أم أنها طبع فالساعين
ياليت بعض العرب ماصاح= دام الأمر بين نون وعين
عبود =
ان سلتني فالأمر رجاح = اغلب من الظن للداعين
واللي شكيته من الأجراح = لاعادها الله مع المقفين
بخيتان البشري=
مالومه المشتكي لو ناح = يجعلك ربي من الناجين
بدعي لكم فالق الأصباح = منها تكونوا من الشافين