قصيدة لها عدة مواضيع

الشاعر حسين بن مريع الحربي

صح السانك يا الذيب


قصيدة عذبه وجميله

	المشاركة الأصلية كتبت بواسطة عبدالله عتيق الحنيني

	قصيده من اجمل واروع ماقريت تستحق الاشاده صح السانك ياشيخ وبيض الله وجهك شاعر جزل والحق يقال تستاهل مليووووون صح السانك

اخوي عبد الله ماهي جميلة الا بمرورك
لقد شرفني هذا المرور المميز
لك الشكر والاحترام

	المشاركة الأصلية كتبت بواسطة ابوخالد الفريدي

	حسين مريع صح لسانك قصيدة جميله من شاعر مبدع بارك الله فيك

احوي ابوخالد حياك الله
منكم نتعلم الابداع ماهي جميلة الا بمرورك
لك الشكر والاحترام

	المشاركة الأصلية كتبت بواسطة ملاعب الأسنة

	بيض الله وجهك يا شيخ حسين عزالله قصيدة جزلة من راس جزل

الاخ ملاعب الاسنة شرفني مرورك
ماعليكم زود
تقبل التقدير والاحترام

	المشاركة الأصلية كتبت بواسطة فيصل حمود الوافي

	صح لسانك وسلم بنانك قصيدة رائعه بروعة حضورك لك تقديري

اخوي الغالي شرفني مرورك
تقبل الشكر والاحترام

	المشاركة الأصلية كتبت بواسطة نافع الحربي

	االأخ حسين مريع صح لسانك وبيض الله وجهك على هذه القصيدة الجزلة لاهنت

اخوي نافع
صح بدنك ووجهك ابيض
تقبل الشكر والاحترام

	المشاركة الأصلية كتبت بواسطة سلطان الفريدي

	الشاعر حسين بن مريع الحربي صح السانك يا الذيب قصيدة عذبه وجميله

اخوي سلطان صح بدنك والجمال في مرورك
تقبل الشكر والتقدير

صح لسانك قصيدة جزلة من شاعر جزل ,,,

الاخ ماجد الماجد حياك الله
شرفني مرورك والجزالة لكم
تقبل الشكر والتحية

	المشاركة الأصلية كتبت بواسطة حسين مريع العبيدي

	هذه القصيدةموضوعها مسابقة في احد المنتديات خصص لها الاشتراك في احد المواضيع التالية السفر او الفقر او الوالدين او الحب وانا جمعت الاربعة مواضيع في قصيدة واحدة اردت اطلاعكم عليها لقد خصصتم احد المواضيع التالية للمسابقة رقم (2) وهي السفر او الفقر او الوالدين او الحب وانا اردت ان اجمعها كلها في قصيدة واحدة ارجو ان تنال رضاكم سافر وهيئ للسفر كل غالي = ترى السفرللناس رغبة وعادة فج السهل وارقى على كل عالي = حوم الديار بكل عزم وارادة تحمل الشدة وسهر الليالي = خلك على الشدات عندك جلاده واصبرلياطال الشقا والمطالي = كل يجي حظه بقدر اجنهاده ترى العسل دايم في روس الجبالي = ماياصله راع الكسل والبلادة لوكان نيله سهل ماكان حالي = ماجابه اللا من تعلا شداده لوازاد فقرك ياعريب الخوالي = الجيب خالي والمطالب زيادة ولاعاد تلقى مايسد العيالي = دور على درب الهدى والسعادة ادخل على رجل كريم السبالي = واطلب منه دين على الله سداده عود لابوك وقول يابن الحلالي = جيت اطلب ارضاكم رضاكم عبادة انتم هلي باشرح لكم ماطرى لي = من مابحالي عفت نوم الوسادة طالبكم الرخصة وهذا مجالي = قصدي سفر مافيه عيب ونقادة ويسر لهم حق العشا والدلالي = وليادعوا لك ماتشوف القرادة ثم ادرج الخطوة يمين وشمالي = اللي جفته الدار غير بلاده واعرف خويك عند شد الرحالي = دور خوي يوصل الطيب ماده يمكن تحقق فالسفر راسمالي = عرف الديار وعرفة اهل السيادة وتفريج عن نفس بها الهم كالي = من همها عانت شديد النكادة ولاتاقف اللا فالبروج الطوالي= واحذر تجي لك فالوطيات رادة واكسب من الاسفار عرف الرجالي = مكرمين الضيف عند الوفادة والحب خله لك طبيعة وفالي = ماخاب قلب دايم الحب زاده الحب محمود على كل حالي = اللي تزود به تسهل مراده قلب بليا حب محسوب خالي = وليا بذلت الحب نلت الاشادة ترى الحياة الحب مابه جدالي = والموت في نقل الحسد والحقادة الحب يسقيك القراح الزلالي = ياللي زرعت الحب تجني حصاده قولي على حب العلوم الجلالي = حب الكرامة والشرف والريادة اما الذي حبه ياحلوة تعالي = هذا دمار الحب هذا فساده لصار بحثك فالسفر للمعالي = قسمك بياض الوجه ماهو سواده ترجع لربعك بالعلوم الجزالي= بعد المغيبة جيتهم بالافادة هذي سلوم الناس فاول وتالي = سلم الرجال اهل االصبر والركادة

ماشاءالله

هذه الشامخه

لايجيدها غير شاعر بحجم شخصكم الكريم

شامله احتوت الحكمه والنصيحه والأتزان والتنوع

بيض الله وجهك اخي الشاعر حسين مريع العبيدي

وصح الله السانك مدد بلا عدد

تقبل اجمل التحايا

ودمت ودام ابداعك