اللي بيحاورني

المشكله باللي بهالدنيا يخلون النظام== بكره ليا عدو زحول القوم ما احدن حاسبه
الطايره للي ملك عبدالعزيز بن الإمام==واحنا رفعنا السيف يوم الناس تعجز تقضبه

من يمشي بغير النظام يضيع في وسط الزحام= و لا احدٍ يعدِّه قدم وجه الرّكب و الا بذنبه
و الطايره حلّق بها شجعاننا مثل الحمام= في جيش ابو متعب و سيفك تحت أمره و اطْلِبِه

المشكله بعض العرب شخصيته فيها انفصام= لا ارخيت حبلك في يديه يعود يمك يكربه
المشكله كان الصقر من عالي المشراف حام= تبي تضيع السالفه من مشرقه لا مغربه

المشكله يا حربي الاسياح في فهم النعام= يدس راسه بالتراب يظن مَحْدن ينتبه
و ان كان حام الصقر حولك فانت وضعك مش تمام= تبي تضيع السالفه من قوّ ضربة مخلبه

قال المثل يا صاحبي ضرب ن على الميت حرام = لا صار يكفي ما حصله ليش نرجع نضربه
امشي على وضح النقاء دام الذخيره بالحزام = هذا الحزام اللي ليا جاله لزومه نكربه

أنته بطبعك عَيّ و اللِّي عَيّ عساه الرحام= يموت من عَيِّهْ و لو حتى ضميره أنِّبِه
خلِّك بدربك لين تشبع من ضياعك في الظلام= و حزامك اللِّي تعتزي به لا يجي من يسْلبه

توي دريت ان الرجال تعود في سن الفطام= وان الطريق الزين يا تيله ضعيف ايخربه
المعذره نبغى نهايتها بودن واحترام=واللي يدور طيب يا ابن الناس وده يكسبه