ديوان الشاعر(بخيتان البشري)

=العويدة
ياريس الجيل مو جيلي=يابو بخت والتحية تـو
سلم لجاتك مراسيلي=والناس جيلين ما عاشو
=بــخــيــتـــان البشري
ريس متنراس بالحيلـي=في جيل ورث الذي ماتو
رحب على حسب تحليلي=وللناس آجـال مافاتـو
=العويدة
لاتغرنـي مـن دواليـلـي=وعيسى من اللي لامات أحيو
وماني مصبـب فناجيلـي=وضيوفنا ما بعدهـم جـو
=بــخــيــتـــان البشري
خليتهـا فالمعاميلـي=ليت المعازيب قهويتو
كانك دعيت الرياجيلي=على وعد وجبتك يأتو
=العويدة
تحصيل حاصل محاصيلي=اهلا وسهلا وراحو جو
المشكلة محتوى القيلي=فيه العداوة أثركم سو
=بــخــيــتـــان البشري
قدام تخفـي مداليلـي=لا اقول زدنا ولا زدتـو
المشكلة الحرف يشكيلي=ماغير بالسو افصحتـو
=العويدة
آوي ولاأنـت بآويلـي=ماهي غصيبة هلا حيُـو
والله لوارميك فالنيلـي=لاتأكل الحوت وترجع تو
=بــخــيــتـــان البشري
لاتقعد تحط وتشيلـي=لا تنكره بعد قريتـو
ارقى وترقى مواصيلي=فالنايفة كان هميتـو
=العويدة
أشغلتنـي بالتعاليلـي=وأشمتني بعد غريتـو
راقيك بالعصر والفيلي=وأعوذ منكم بما عذتو
=بــخــيــتـــان البشري
ماشفت غير التطابيلي =مابه مُغرة لا تشتمتو
أنا اشهد إنك تهاويلي = فمحرم النحر ضحيتو
كِلنا معك للوفا كيلي = ياراعي الطيب كملتو
ماعاد باقي تفاصيلي= على الوفا دوم لاهنتو

همس القوافي=
ياراعي الطيب ياراقي =ياللي اعدك من الأخوان
أغلى التهاني من أعماقي = تنصاك ياصاحبي بخيتان
بخيتان=
ياذوق ياعالي أخلاقي = يا أخ عندي رفيع الشان
وصلت تهانيك خفاقي =همس الوفا تحمله عنوان

ياودّ حرف الهوى سطره=بألوان الأشواق خطيناه
ترجم بعد مانفذ صبـره=راع المودة لكم معنـاه

من حال حالي بحالي حال=حول لي أحوال بحوالـي
حلت وسوت بحالي حال=وحالت معي كل الأحوالي

"ياحر وقع" 00بعد ماطـار=من بعد وقع 00"على وكره"
فِكر المفكر 00"عليه أفكار"="لومفتكر"00 ما أنشغل فكره

حاكم لشعبه ومتسلطن=طاغي بحكمه بهم جبار
بقلوبهـم دوم متمكـن=ماكنه إلا الوليف البار

لك ودّ يجري كما الأنهار=مع دورة الـدم لا دارت
للودّ لو يصنعون اقمـار=أهل المودّات ماصاحـت

يومي وأنا أزيد فأعدادك = وإنته تزيدّ 0 العدد "نقصان"
كل شرح 0 الأيام "ما فادك " = اللي دروسه أتت مجان

لأهل الجمايل عليّه دين = صنيعهم حِمل طول العمر
يبقى على عاتقي لا حين=يوم المنية وحفر القبر

عاشق المقناص=
نبغا نغني على الكسـرات=ونخص فيهـا الهواويـه
اللي لهم فالهوا سجـات=وعاشو حيـاة الشقاويـه
نهّدي لهم أجمل الأبيـات=كسرات طـرق الهجينـه
واخذو قصيد استلام وهات=ونبغـا معانيـه مخفيـه
بخيتان البشري=
بطلب محدد حروفك جات= لأهل الهوى جاء مخُصيه
فأهل الهوى مرسله ليات= نحتاج من وقتك شويه
حياة من عاش ماضي فات=او من معه فالزمن ذيه
لابد نحتاج توضيحات = أياتهم مقصد النيه
عاشق المقناص=
عبر الفضاء نرسل الموجات=مشفر على ارقـام سريـه
موجات لهل الهـوى بـذات=من كـل فيـروس محميـه
ماستقبله غير نايـل سـات=كاشف اراضـي السعوديـه
يحلحل الرمـز والشفـرات=ويبث صـوره لنـا حيـه
بخيتان البشري=
بثه مباشر عطى إشارات = (حروفها رموز مقريه)
على الهوا للهوى عملات = مابين الأقواس رمزيه
صادر ومعلن على الشاشات=معها إشارة تلكسيه
مع كل الأقمار تصويرات =لأهل الهوى جات حصريه