ابشر بعزك يالبيرق ،،، غالي والطلب رخيص ...

حفيد الحجيري=
ما دام تبغى لحن عاجل=حنّا على أتمّ استعـداد
أسرع من البرق والزاجل=تلقى خيولي فوسط الماد
البيرق المنصور=
على الوفا دوم متعاجـل=يانسل الاجواد فالميعـاد
ومانعرف انقولكم آجـل=لو كان وسط المهاد اجياد
حفيد الحجيري=
وافين فدقاق وألاّ جـل=في كل حزه وكلّ بـلاد
والله يخليك يا جوجـل=روقت جوّه بحرف الضاد
البيرق المنصور=
من كان في قوقل مسجل=ماينحرم مجلس الاسعاد
يفرح بشرواك ويبجـل=عساك تسلم من الانكاد
حفيد الحجيري=
يا طالب العلم هيّا اعجل=عَدّ اختبارات ما تنعـاد
الحوت لا ناوشه ناجل=أيّ الثنينه غدا مُصطـاد
البيرق المنصور=
يامدون الاسئله من اجل=ناشد مدري مع النشـاد
ولو انها جات ياراجـل=كان اقولك من الصيـاد
حفيد الحجيري=
لا ترتبك لا تكن واجل=لا ترعبك نظرة الأستاد
سؤالنا ما به مساجـل=والفهم للحل خير اِعداد