محاورة (جانا خبر من وكالة واس )مع خالد اللهيبي 0

	المشاركة الأصلية كتبت بواسطة ابوفـــرح

	ابوفرح= جانا خبر من وكالة واس = حصري وبث النبا عاجل قالوا محيميد في تكساس = ساق البعارين للساحل خالد اللهيبي= اهل الابل تتبع النوماس = لو امطرت في نيوكاسل وحمود واللي معه جلاس = ماعندهم علم بالحاصل ابوفرح= ديار الاجناب ماتنداس = لوغصنها بالثمر مايل حلاته الزمل للعساس = بين المسيجيد والكامل خالد اللهيبي= في اللي مضي يرحلون الناس = والكـل عـن ديرتـه حايـل دايم علـى ذودهـم حـراس = ولوهو لحد الخطـر واصـل ابوفرح= ولا زمان الشقا والياس = ولاظن في وقتنا غافل ومن لاسمع دق للأجراس = جاته صواريخ من كابل خالد اللهيبي= انا رسمت المثل مقياس = حسب الذي جابه القايـل والباقي اللي عليه اقواس = لابد من شرحه الكامـل ابوفرح= انا اشهد انك عصابة راس = ماتنكر الحـق وتجامـل رميتها بين سلك ومـاس = الله يجازيـك يالواصـل خالد اللهيبي= ياعزوتي في نهار البـاس = لاخالـط الحابـل النابـل وقت الحرايب لهم مقباس = سم العـدا لطمـة العايـل الوضع في مجمله حساس = والشـك مابينـا زايــل لابد بني المثل بقياس = خوفا على وضعه المايـل

ياســـــــــــــلااااام على الابــــــــــــدااااع

خوي الدرب وابواحمد

صحت السنتكم ملالالالالايين ولا تكفي وبيض الله وجيهكم

اسجل اعجابي بما صطرت اقلامكم من ابداع

تقبل تحياتي وتقديري