ديوان كسرات الشاعرة شموخ الصبر

شموخ
يازين الاوصاف من قدك = ابهرتني بمزحكم والجـد
أحكي لكم واستمـع ردك = واحيي معك ذكريات الود
فـايـز
أعجبني الحرف في مدك = يابحر فيك الجزر والمـد
لوكنت أبحكي ألـم ودك = ماكان تنشف دموع الخد
شموخ
ياسيـد القـاف لاشـدك = باب التغلي جفـا منجـد
ماشفت دمعه على خـدك = هليتها وسبـب مـن ود
فـايـز
ياصاح لن كان منجـدك = ناوي تهاجر ترى لابـد
اترد كُـل الـذي فيـدك = من دمع عيني سقط فاليد
شموخ
أن كان درب الوفا وعدك = حلفت بعد الغلا مااصـد
وايام تأتـي كمـا بـدك = وايام فيها القسـا والشـد
فـايـز
لابـد تسمـع ولابـدك = إتشوف مبنا قصور مود
ولن كان هـذا ولاسـدك = أن زيدكم لين حتى يسـد
شموخ
القلب يبكي على بعـدك = والعين في غيركم ماتلـد
أما أنت اثبت على جدك = وطير المحبه لاطار يهد
فـايـز
يامرحبا والهنـا سعـدك = ترحيب مني بعطر ورد
والقلب ياصاحبي عنـدك = اليوم وبكره وبعـد الغـد