ابيات ترحيبيه في شاعرنا العلم عضيب هليل العلوي

الحب الباقي صح لسانك وبيض الله وجهك على المرور المشرف

	المشاركة الأصلية كتبت بواسطة خالداللهيبي

	سعد المحمدي بيض الله وجهك وترحيبك هذا في وقته واتمنى من الاخوان ان يشاركوا بالترحيب بضيف القبيله جميعااا0 سعد المحمدي سباق للخير والواجب ومواقفك تبيض وجهك دائما0

ماعليك زود يابن العم الغالي شهاده منك وسام علي صدري
والترحيب في الشاعر العلم عضيب واجب علينا جميع

	المشاركة الأصلية كتبت بواسطة ثامر الحربي

	صح لسانك على هالرائعه ابدعت وصح لسانك مليار ولايكفي

صح بدنك وبيض الله وجهك يالغالي

	المشاركة الأصلية كتبت بواسطة حميدان العوفي

	صح لسانك يا ابو تركي وافي و الوفاء مايستغرب عليك و ابو بدر يستاهل و الله يحييه في ملتقاه

صح بدنك يابو ناصر وماعليك زود وراع الطيب يستاهل

	المشاركة الأصلية كتبت بواسطة غشـــام

	صح لسانك يابو تركي قصيده جزله من شاعر جزل ويستاهل ابوبدر شاعر وشهم وكريم ودرع قبيله وراعي مواقف وفزعات

الشاعر غشام ماعليك زود اللهيبيض وجهك يابن العم الغالي
ابو بدر يستاهل

	المشاركة الأصلية كتبت بواسطة نافع الحربي

	الأخ العزيز الشاعر الكبير : سعد المحمدي اشكرك على هذه الأبيات الجميلة في علم من اعلام قبيلة حرب وهو الشاعر العملاق : عضيب العلوي : وأنا شارك معك في هذه الأبيات والسموحة من القصور : يامرحبا ياعضيب يامركز الطيب = كلمت وفاء والحق لازم يقالي انشهد انك ياحصان الاطاليب = في حرب من خيرة زحول الرجالي يماوقفت لموقف العز لاهيب = ونصبت سيفك للسهوم المدالي دون القبيلة لاتبيّنت ماتغيب = ماكنك الا نايفات الجبالي قولٍ على فعلٍ عظيم الهناديب = وشعرٍ بعالي يااهل العرف عالي يامرحبابك في لقاء حرب يالذيب = الموقع اللي حافظٍ كل غالي قاله سعد سباقنا للمواجيب = وحنا على دربه نسوق الرحالي

شاعرنا العلم نافع الحربي حنا تنعلم منك يابن العم الشعر ويشرفني مجاراتك والله يبيض وجهك ويستاهل شاعرنا عضيب

	المشاركة الأصلية كتبت بواسطة مريع العييل

	صح لسأنك واعتلا شانك يابوتركي على القصيدة الرائعة بروعة كاتبها والشاعر العلم ابيض الوجه : عضيب بن هليل العلوي .. يستاهل ولن نوفيه حقه مهما قلنا ..

الصديق الوفي مريع العييل بيض الله وجهك ويشرفني مرورك المميز والحقيقه شاعرنا عضيب يستاهل

	المشاركة الأصلية كتبت بواسطة سعد المحمدي

	السلام عليكم ورحمة الله وبركاته يسعدني ويشرفني اكون من اول المرحبين في شاعرنا العلم عضيب بن هليل العلوي ويسعدني تواجده معنا وحنا في انتظار اللقاء معه والشاعر عضيب غني عن التعريف واشهر من نار على علم ومن ملتقى حرب اقول الله يحييك ثم يحييك يامرحبا يامرحبا فيك ياعضيـب=عداد ماهبـت هبـوب الشمالـي ترحيب مابه شك مني والا ريب=مثل الذهب غالـي يقـدم لغالـي بالورد والريحان والمسك والطيب=امغلفه لعضيـب زيـن القبالـي راع الوفاء حلوا النبا والاساليـب=دايـم محلـه مدهـلٍ لرجـالـي في مجلسه تلقى جماعه وجانيـب=كريم مايحسب حسـاب الريالـي دايم دلاله فوق نـاره محاضيـب=ونجراً على صوته تجيه العيالـي من شبته حتى غطاء راسه الشيب=لطيبـه يسعـى كريـم السبالـي مواقفه ماهي سوالـف وكاذيـب=كم عايلٍ خـلاه يمشـي عدالـي دون القبيله ماسهـج للمواجيـب=روس الافاعي داسهـا بالنعالـي

الشاعر القدير راع الوفا سعد المحمدي

اشكرك على هذه الأبيات الجميلة في علم من اعلام قبيلة حرب
وهو الشاعر العملاق : عضيب العلوي : وأنا شارك معك في هذه الأبيات
والسموحة من القصور :

يامرحبا عد النجوم المطاليع = ويامرحبا عداد ماغصن مالي
ويامرحبا عده قراح الينابيع = ينصى عضيب ابفوح بن الدلالي
راع الوفا ذيب النقا والجواميع= من طيبات الجزل راع الجزالي
ماينمنع لو يكثرون الموانيع=من دون حرب ارخص نفيسٍ وغالي
في عالي المرقاب ناره مواليع = شجيع فارس مجلسه دوم عالي
راع الفعول اللي تكيد الهماليع=منه العدو ياما تجرع ونالي

صح السانك


ياسعد المحمدي


والله يحيي الشاعر الكبير عضيب هليل الحربي


في ملتقى حرب

واضيف صح السان
الشاعر نافع الحربي

والشاعر بخيتان البشري


على المجاراه والترحيب

والشاعر العملاق عضيب الحربي

يستاهل الترحيب