محاوره مباشره .. مابين الشاعر( البيرق المنصور) و الشاعر( عقيد الخيل)

حياك الله ياهمس القوافي


وبارك الله فيك

صحت السنتكم الشاعر البيرق المنصور والشاعر عقيد الخيل وبيض الله وجيكم

صحت اللاسن وبيض الله وجيهكم

صحت السنتكم

بيض الله وجيهكم

محاوره رائعه ومتابعين

	المشاركة الأصلية كتبت بواسطة علي عيد البشري

	صحت السنتكم بيض الله وجيهكم محاوره رائعه ومتابعين

حياك الله ياالبشري ويامرحبا بك

الاخ عبد الجليل الفريد اشكرك على مرورك الكريم


وبالتوفيق انشالله

حياك الله يالاخ مضحي على مروك الكريم ويامرحبابك

البيرق المنصور=
مدام جانا عقيد الخيل = معه الجزيلات والفرسان
صبو فناجيلنا بالهيل =وسوقو البعارين للشجعان
عقيد الخيل =
ترحيب بك ياشبيه سهيل=ياسد ياراقي البنيان
معاك لو في سواد الليل=الله يحييك ياذيبان
البيرق المنصور =
قلبي معاك انبسط بالحيل = يومنك اشرفت ياشيهان
وقلي انته من ايت جيل = شباب والا من الشيبان
عقيد الخيل =
حل الشرف ياوفي الكيل=بابادعك بأجمل القيفان
وليا نويت اتمايل ميل=لاتشتقي يارفيع الشان
البيرق المنصور =
عن الوفا ياصقر ما احيل = مع مثلكم ياصقر حوران
هذا لأني رجل حلحيل = ابدي لك الطيب بالميزان
عقيد الخيل =
احنا على عرف مهما نطيل=ومع مثلكم دائما كسبان
واليا اعتزمنا الدروب تسيل=نمشي ولا نخلف الاوزان
البيرق المنصور =
منول انته فدرب السيل = في جو كنه كما الودان
وحبيت اجنبك قبل يهٍيل= عليك . وانك مع الغدران
عقيد الخيل =
انا لوقع السحاب أخيل=وانبه الطير للأكنان
والمازن اللي مسافة ميل=ما يطولها وقعة الميدان
البيرق المنصور =
من واجبي فالوفا والقيل = احسب حسابات للا خوان
ومن كان طافي عنه قنديل = بالنور اوآفيه لين يبان
عقيد الخيل =
لايغرك الوقت بالتأميل=هذا الزمن يارفيقي فان
حذراك نفسك عليك تعيل=وتسير بين الفكر شتان
البيرق المنصور=
يا لومالك فالعيون مقيل = ومسكانك النون فالاعيان
واسمك مسجل مع التفصيل = كان انتهينا قبل ازمان

صحت السنتكم وبيض الله وجيهكم

صحت اللسنتكم

وابداع غير مستغرب

الله يعطيكم العافيه