ديوان الشاعر سالم البشري

الشاعره كحيلة حرب=
قلت اسمعو واللحون اكثار = والقـاف يعجبـك تعبيـرة
لاصارمالي من اللي صار؟؟ = الحكم وشلون تصديـرة؟؟
سالم البشري=
قلت اسمعوا والكلام القار = يلقى من الناس تقديـره
لابد نعرف معـك مـادار = ونحكم على ضوء تحريره
الشاعره كحيلة حرب=
يامرحبا بعالي المقدار = القاف يجيد تصويـره
لباح سرً من الآ سرار؟ = وتحمله واحدً غيره؟؟
سالم البشري=
تبقيـن يامكثـر الأفكـار = وكـلٍ مكلّـف بتفكيـره
ومهما جرى معدن الأخيار = مايخلّي الناس في حيـره
الشاعره كحيلة حرب=
مافيه حيرة ولا نحتار = طريقنا واضحً سيـره
اكبارمهما العلوم اكبار = شف الخطا كم تقديره
سالم البشري=
فينا النقا والهجوس خيار = والعلم في عمق تفسيره
ولاكل ساعه يقام حـوار = يثبت لنا صدق تقريـره
الشاعره كحيلة حرب=
مادام وان النقاء معيـار = هو حلمكم ايش تفسيره؟؟
لاصارجلسه مع الآخيـار = انصح وبيـن بتبصيـره
سالم البشري=
حلم الوفا ماعليه غبار = ينشاف ياقاري السيره
وفلم الدراما عليه انظار = قـدّام لايتـم تحويـره
الشاعره كحيلة حرب=
وفيت ياحُر نسل احرار = ياطيب الصيت والسيره
تفسيركم صح يابيطـار = مشكور ماشفت تقصيره
اطلع معي نشرة الاخبار = وشلو نكم يهل الديـره
الجار يسير عليه الجار؟ = ولا الزمن بان تغييره؟
سالم البشري=
مني لك الورد والازهار=في خاتم القول تعطيره
يبقى الوفا ماركه وشعار=للكل ماقل تأثيره
في ملتقى الشعر والأشعار=نسعى لرفعه وتطويره
والجار له منزله لو جار=الدين وصّى على الجيره

خالد اللهيبي=
ياما اشتكى قلبي المحروم=اللي بسهم الهوى منصاب
من جرح في داخله مسموم=احرق له الدم والاعصاب
سالم البشري=
ماللبنادم عن المقسوم=أما الأمل فاقده ماطاب
بيّح لنا الخافي المكتوم=يمكن نلاقي لقلبك باب
خالد اللهيبي=
عساك تسلم لنـا وتـدوم=ولاودّي ادخلك فالانشاب
يمكن علينا قدر محتـوم=وحكم القدر ماعنه مجناب
سالم البشري=
مانعترض حكمة القيّوم=اللي جعل للعلاج اسباب
مامن تعب واجبي ملزوم=أحث عزم الذي مرتاب
خالد اللهيبي=
القلب من ماجرى مصدوم=فاللي حسبنا عليه حساب
لاقلت حظي معاه يقـوم=بيني وبينه يحط حجـاب
سالم البشري=
لازم تعلّم فنون العوم=لأن بحـر الهـوى غلاّب
وحاول معه يشرح المعلوم=اش لون صار الشروق غياب

ناصر الحجوري=
ياحرف الامثال روح وهات=اللي يجي مـن ربابينـه
هاته معك ملتقى الكسرات=معي الجماهيـر باغينـه
سالم البشري=
حرف الوفا يرفع الرايات=تقدير فاعلـى ميادينـه
وسالم معك يارفيع الذات=شاعر وعارف مضامينه
ناصر الحجوري=
رمية بخت مع راعيها جات=جابـت لحرفـي منابينـه
سالم وصل مسرع الخطوات=ماشـي بسايـر سلاطينـه
سالم البشري=
يابخت من يحسب الحسبات=حتى نقرر موازينه
ومادام حرفك بدون اثبات=يخضع لتحقيق وندينه
ناصر الحجوري=
بدري على إدانة الابيات=إسمع وشارك مواسينـه
حبيب قلبي في عيني مات=وفالقلب تنبض شرايينـه
سالم البشري=
قلب الحجوري ذكر مافات=لسّاع باغي مودينه
لكن وش أخلف الهقوات=حتى اصبح الود طاوينه
ناصر الحجوري=
ودّي مع مكفِن الاموات=يصارع الموت في يدينه
نبكي على واقعه حزات=وحزات نبكي على سنينه
سالم البشري=
خلك معه لاخر اللحظات=حسب الذي بينك وبينه
كم قلب عانى من الفرقات=عوّد ولاقى محبينه
ناصر الحجوري=
وقفت في بداية الغـزوات=في وجه غـارة معادينـه
وخلف الظهر جاتني طعنات=وبلعـت دمـي بسكيـنـه
سالم البشري=
الله يعينك على الوقفات=قدام لاتموت في عينه
والعارفه مايعوز انعات=يعرف يساره من يمينه
ناصر الحجوري=
الـرد زاد الاهـات اهـات=وزود علـى بلتـه طيـنـه
في حين كنت احسب الجابات=لاجات مـن شاعـر تعينـه
سالم البشري=
ماجبت لي فالمثل غبوات؟=اللي كتبتوه قارينه
أخذ الإجابه مثل ماجات=من حر مايغر تثمينه
ناصر الحجوري=
ردك مايسلم من الشرهات=حسب الردود وقوانينـه
المشتكي فاقد الراحـات=والغدر بالـع سكاكينـه
سالم البشري=
جاك الوفا والثقات ثقات=والحق لو مر يازينه
ودك وصل لاسوأ الحالات=لا تقيّس النّاس غاوينه
مير الحقه لايروح شتات=ويضيع مجهود بانينه
واللي كسب مثلك الخبرات=ماظن يجهل عناوينه

خالد اللهيبي=
هاك الخبر واسمع النشره=مضمونها اخـر الاخبـار
اللي مع الناس منتشـره=تفصيل فيها عن اللي صار
سالم البشري=
هات الخبر واعرض الفكره=آنا اسمعك يالصديق البار
واللي مع الناس ياكثره=من يسمعه فالحقيقه احتار
خالد اللهيبي=
سوق الذهب كلن يخبره=فالسعر يفرق وزن وعيار
والمشتري لانفذ صبـره=تخالطت عنده الاسعـار
سالم البشري=
من يعرف السوق مايشره=مايساوي الفلس بالدينار
ولو كان واحد كما عشره=ماأثّرت خانة الأصفار
خالد اللهيبي=
لاصار غالي وله قـدره=والناس كلن وله مقدار
بالحق من يلتمس عذره=لاخالط السيف والمنشار
سالم البشري=
بفتيك من واقع الخبره=من غير ماندخل الأخطار
في ريّض الوقت والعسره=قالوا طوال العلوم قصار
راع الغلا لو قصر شبره=لاتهمله واقبل المعذار
لاجل المواجيب والعشره=ماتنتهي والكبار كبار

((( زهورات )))=
سالم البشري=
أقسم برب العباد أشتاق=كل يوم أكثر من الثاني
للي تمكّن من الأعماق=واحتل قلبي ووجداني
******************=
من طبعي اشيل هم الناس=ماهو لاجل شي في نفسي
واللي كما حالتي حسّاس=مبحر على طول مايرسي
******************=
لاتكتب الحرف وتعبّر=ماعاد يبغى لها إيضاح
وفمعالج الجرح بتدبّر=واعزّي القلب فاللي راح
******************=
شاشه وكيبورد والماوس=استغربت من كثر شوقي
ماتدري إنّك معي جالس=وانّك دمي داخل عروقي
******************=
الظّن والغيره العميا=أودت بودّي إلى المجهول
خلّت لنا قلوبنا ظميا=وطال الظما باقي المحصول
******************=
يالايمي لاتلوم الناس=يكفيها الارواح مافيها
وارجوك لاتجرح الحسّاس=اللي تجرّع مآسيها
******************=
علمتك الأمس ياقلبي=وابديت لك صادق الإحساس
لاتخلّي الوقت يلعبي=واصير لاجلك حديث الناس
******************=
اقرأ هنا ماوراء السطر=واهمس لذيك الحروف وقول
لايزعّلك من أهان الشعر=الناس تملك نظر وعقول
******************=
ودي اشوفك معي مسرور=ماتقرب الهم والأحزان
منك الحكي يستشف شعور=من غير ماتنطقه بلسان
******************=
ياساكن القلب لاتشْقيه=لايشمت الناس في قلبي
مايكفي انّي حفظتك فيه=وانته تبا تزيد من غلبي

بخيتان البشري=
أقلقت بعض العرب ياهوه=والظاهر أعصابهم تلفت
ما حي جاهم ولا سألـوه=وعيونهـم لـك تتلفـت
سالم البشري=
معروف داره ومن ينصوه=تلقى الوفا من رجال اوفت
وان غاب فاللازمه ياخوه=تاقف والاقدام ماصلفت
بخيتان البشري=
هم يعرفونه ولاكفـوه=سؤالهم والأمر مُلفـت
واخوه فاللازمة لا جوه=الروح دونه له استوفت
سالم البشري=
ماينقص الطيب لا وفوه= أهل الوفا فيه مااختلفت
واللي يعرفون ماغفلوه=على الصفا قلوبهم ولفت
بخيتان البشري=
تكميل والحرف رقيتوه=وامثالكم بالوفا وفت
ومعنى بخيتان ترجمتوه=اوفيت وحروفكم كفت
سالم البشري=
ماخالف الحرف من صفّوه=حتى معانيهم اصطفت
وشرواك عد المثل ولفوه=ومنابع القيل ماجفّت

ماجد أبو مديدة=
سلام والبُعد نارُه نـار=ياللي بعادك سبب ناري
لكِّن باأدوِّر لك الأعذار=لعّل عِندك عُذر طـاري
سالم البشري=
ترحيب باصحابنا الأبرار=عادتكم الطيب من ضاري
عن مثلكم مالنا معـذار=علم الوفا بيننـا جـاري
ماجد أبو مديدة=
على كِذا نرسم الأشعـار=بحروف نِنعِش بَها القاري
الكُل في حالـة إستنفـار=ينظُر لشِعرك وأشعـاري
سالم البشري=
مانختلف يالصديق البار=يامن لكم ساس وشعاري
فالشعر يشهد به الشعار=ابدا المثل صاحبك شاري
ماجد أبو مديدة=
مركَب سرى قايدُه بحّـار=ولازال مسراه فالعـاري
عن النجِّم يصرُف الأنظار=وألآ على وكّوبُه يـداري
سالم البشري=
واجب على القايد الهـودار=يحسى المصاعب والاخطاري
ونجمك على شوفة الأنظـار=ولاّ فليـل الفضـا سـاري
ماجد أبو مديدة=
ماوِصلَت الغُزر والأخطار=عن الشّعب باقي إقراري
من واكب النجم مايحتار=وأنا أتنّشـدك فالجـاري
سالم البشري=
علمك على شوفة الأبصار=واضح تحت رصد راداري
ومن يمتلك خبرة الإبحار=مايجرفـه كـل تيّـاري

كسرة ورد=
المثل=
سلام يالدار ،، واستاذن=اطرح معانيه بالكتمـان
وش حيلة القلب لا لاذن=أماني الروح للحرمـان
سالم البشري=
يامرحبا ياهلا يامن=سطر حروف المثل باتقان
لايحلم القلب لو لكن=استوطنت داخل الوجدان
########=
القلب الابيض=
من قلب صافي من ألآمراض=صافـي وياتـى بميـعـاده
الربعه اللى بهـا الفيـاض=تستاهـل الطيـب وزيـاده
سالم البشري=
قلب الوفي بالمحبه فاض=بالطيب من عِد ميراده
منّا شكر عد برقٍ ناض=وتقدير ماينتهي ماده
########=
القناص=
في ملتقى حرب حلينـا=ضيوف لهل الوفا والطيب
نبغا تراحيـب تشجينـا=منها فؤاد العليل يطيـب
سالم البشري=
ترحيبنا ياموافينا=فالملتقى نثني الترحيب
من طبعنا نعز لافينا=واللي نصانا أبد مايخيب

محمد سعد اليوبي=
مجبورلاحارة الأفكـار=مسعود مالك معه قدره
يفز مع دقـة المنقـار=لاحرب الزير في العمره
سالم البشري=
يالافي إنته من الشّعار=ومسعود شاعر وله خبره
وسالم هنا مامعه معذار=لابد مايشوف لك دبره
محمد سعد اليوبي=
مني لكم زايـد المقـدار=ولا فيكم اللي قصر شبره
ومادام ترس الزمن دوّار=لابد نأخذ منـه عبـره
سالم البشري=
فمراجعه لأول الإصدار=يامترجم القاف من شعره
مسعود ليه معاه أشعار=كثير ياكم وكم كسره

شوق نجد=
ما ني على مستوى ما تقول=ارفع بشـا نـي عـن اشكـا لـك
لوكـان مثلـك تــرا ى مجـهـول=لنـا س نظـره عـلـى امـثـا لــك
سالم البشري=
للشعر معنـى يجـي وأصـول=مـايـخـدمـه مـنـطــق اقــوالــك
سبب خروجك عن المعقول=فــــي رأيـــــي إنـــــه تـهـيّـالــك
شوق نجد=
كثر لاسى ما نفع مذهول=لوكا ن ما هو على بالك
الحج قا فه على يطول=وانته في الرد يهنا لك
سالم البشري=
مـافـاتـني رمزك الـمدلـول=عـزالأخوه اتـمـنّـالـك
ونصيحتي لاجل أساك يزول=اِصْفَي لدنياك تصفالك
شوق نجد=
دق الاسى زايده طبوله=اوزيد في قيد متها لك
تحطني في مقام هبول=الله يرحم لنا حالك
سالم البشري=
ماهمني هرجك المنقول=اللي يزريك بافعالك
خلاك وسط العرب معزول=يمناك تصفق على شمالك
واهل النظر يملكون عقول=شعرك يشوفون واحوالك
ولاقول باب الرجا مقفول=الله عسى الطيبه فالك
شوق نجد=
مـرضــا بـهــا عـــرض وطـول=درب السكـا نـه مـن اقــوا لــك
عـصـا بـــة الـعــزل والـمعزول=ال بنت ربعك يا غربا لك
وين الذرا ء والـنـقـاءوالـقــول=لا كا ن ها ذي من افعا لك
ما لي قــــوه ولا الي حول=عرضتك تثبتلـي ا هبا لـك
سالم البشري=
مثلي على الوافيه مجبول=غيرالوفا شي ماجالك
حاولت اعدلك يامشتول=وافتح بالاحسان اقفالك
ولاتحسبني كما المخبول=اللي تبع صوت خلخالك
يطرد ورى عصفك المأكول=حتى لحس قاع فنجالك