دكتور وانته معي دكتور // لحن مع دكتور الكسره ابومحمد

بــخــيــتـــان البشري=
سلام معنى معه محكـور=فيه الوفا ماحوى نقصان
دكتور وانته معي دكتور=نطوّع الحرف مهما كان
فـــــايـــــز ال محيسن=
ترحيب منك الوفا مخبور=وفعلك عليها شهود أعيان
أبشر بعزك نغوص بحور=وأرسل أوامرك يابخيتان
بخيتان البشري=
راع الوفا معتلي مايبور=تبقى على الطيب ياشيهان
شفت البضاعة معه ويدور=ومزركشة بقشته بالوان
فايز ال محيسن=
ياصاحبي شاك في منذور= دوار وفي بقشته قمشان
ان كان جالب لشي محظور = انبلغ الشرطه في عسفان
بخيتان البشري=
لو عندنا يانس الباكور = يالين يجلي من الأوطان
لو تفتكر قبل ستة شهور=تلقى على مقصدي عنوان
فايز ال محيسن=
ياصاحبي والقدور تفور = والصدر يغلي كما البركان
ميزت فكره طلع مضمور = مايكلمك يرسل البزران
بخيتان البشري=
جسم الآوادم وعقل الثور =عملة لمثله لها وجهان
والآن بعد اتضاح النور = أختم لنا القيل ياربان
فايز ال محيسن=
راع الوفا ديماً منصور = ثابي على الطيب بالسيسان
مايختلف من قديم عصور = الآ اذا حـــركو رضوان
واللي تعود فنقز الصور = ماينتقـــــــلط مـــع البيبان
خله ولآ يهمك المعثور = مذكور عند العرب غلطان

رايع اخوى بخيتان ومميز اخوى فايز الله استر يارب
صح لسانك شى مبدع اتحفتونا بلكلمات الممزوجه بريح الوفاء والطيب
مبدعين

هلا وغلا اخوي درب الزائر

وصح بدنك ياغالي

وشكرا على مرورك الرائع