ديوان الشاعر(بخيتان البشري)

معي ذكراك=
سلام خالي من الِكبـرة=ولا فيه غير العلوم سلوم
يومنه أرسل لي النظرة=أصد وإلا أزيـد العـوم
بخيتان=
ترحيب من راعي الخبرة = فالقيل يمشي على المفهوم
يامن تحير وش الدبرة =مايملي العقل به ملزوم

بخـيـتـان الـبـشـري=
إكليل نصه وجوري نـص=ومغلفـه بالوفـا قـنـي
سلام مخصوص ومخصص=للحوت إن كـان يسمعنـي
مـاهـر ابــو خـالــد=
ترحيب ما يعتريه القـص=كامـل ومـردود للفـنـي
هات المعاني وشيل ورص=وخذ ردها فالمثـل عنـي
بخـيـتـان الـبـشـري=
لك البقـا عـد مايمتـص=حلمي خبر شين يغضبنـي
حريص مثلي معك واحرص=بسأل خبر فيـه جاوبنـي
مـاهـر ابــو خـالــد=
ماهو من اول كلام تغـص=للحيـن ماجالـك المبنـي
وانا معك لين تقرأ النـص=تقديمك الظـن مـا يغنـي
بخـيـتـان الـبـشـري=
لو جات جابتك ماتنغـص=حيث الصبر فيك لي معني
باللقن والمعرفة مختـص=شرواك كنـك كِمـا كنـي
مـاهـر ابــو خـالــد=
الداب تحت القدم يرقـص=والناس من حولـه تغنـي
بيني وبينك ترى مايفـص=اللي نوى الشـر متعنـي
بخـيـتـان الـبـشـري=
عقب المزامير يبغى فغص=ويُفرك كما فركت الجنـي
واللي عطينا فإذنه خُـرص=إن عـاد لاعـاد نستنـي
ماهر ابو خالد=
ما قول بعد الوصاية وص = الاوله تكفي المجني
وما تجوز رأفة تهادي شخص = شيعي اذا كان اوسني

ماتدري إني معك وفيـت=وإنك معي في جفاك تزيد
لا ود شفته ولا كفيـت=موالك اللي علـي تعيـد

جريح بحر الهوى لا زال=تنزف جروحه وّله وأشواق
في جال خله وهو في جال=حتى وصل حال ما ينطاق
قصة عزف نغمها موال =وللحنّ آساها له الخفاق
اقفى وعاكس هواه أقبال=لين اختفى بآخر الآفاق

قابل البشري =
ياللي تطارد سراب الـود=اللـي بعيـد المداراتـي
انصحك عن سكته00 ابعد=مالك ومـال الطويلاتـي
بخـيـتـان الـبـشـري=
هل كل شاكى وداد و وجد=صادق بشرح المعاناتـي
ما أظن تاصل لهذا الحـد=كثير عايـش خيالاتـي
قابل البشري =
الود فاصـل وحـده حـد=مثل السيوف الرهيفاتـي
حلمه حقيقة 00ومزحه جد=ماهو تسالي وضحكاتـي
بخـيـتـان الـبـشـري=
نعيم حره ونـاره بـرد=لاصار صادق من الذاتي
جرحه يعيقه وكذبه هـد=ماهو لراع المزاجاتـي

نامت عيون الأمل 0و0اليأس=لـيـلــي عـيـونــه مـسـاهـرهــا
كل ما غفـى ارعـد الهوجـاس=وبـرقــه عـيـونــي عـبـايـرهـا

كنـا 00وكـانـوا 00وكــان الــود=فـــي وقـتـهــا 0الــلــي يجـمـعـنـا
راحو00 ورحنا 00ويبقى الوجد=ومـكـانــنــا 0حـــيــــث مــاكــنـــا

بخيتان=
أقلقت بعض العرب ياهوه=والظاهر أعصابهم تلفت
ما حي جاهم ولا سألـوه=وعيونهـم لـك تتلفـت
سالم البشري=
معروف داره ومن ينصوه=تلقى الوفا من رجال اوفت
وان غاب فاللازمه ياخوه=تاقف والاقدام ماصلفـت
بخيتان=
هم يعرفونه ولاكفـوه=سؤالهم والأمر مُلفـت
واخوه فاللازمة لا جوه=الروح دونه له استوفت
سالم البشري=
ماينقص الطيب لا وفوه=أهل الوفا فيه مااختلفت
واللي يعرفون ماغفلـوه=على الصفا قلوبهم ولفت
بخيتان=
تكميل والحرف رقيتوه=ومثالكم بالوفـا وفـت
ومعنى بخيتان ترجمتوه=اوفيت وحروفكم كفـت
سالم البشري=
ماخالف الحرف من صفّوه=حتى معانيهـم اصطفـت
وشرواك عد المثل ولفوه=ومنابـع القيـل ماجفّـت

بخيتان البشري=
ســـــلام والــلـــي يـــجـــي يـــمـــي=شـرطــي فـرســم الـمـثـل شـاعــر
قــــــدام لا أبـــــــدى ولا أســـمــــي=الـــشـــرط وضــحــتـــه الــظــاهـــر
ســــــــــــــــــــرور الـــــــبـــــــشـــــــري =
يـامـرحــبــا بــــــك ولــــــد عـــمـــي=تــــر حـيــبــة تــشـــرح الـخــاطــر
والـــشـــرط واضــــــح لاتـهـتــمــي=بــادربـــحـــرف الــمـــثـــل بــــــــادر
بــــخـــــيـــــتـــــان الــــــبـــــــشـــــــري=
وافـــي عـــن النـاقـصـة مـحـمــي=يـــــاحـــــر بـــــالأولـــــه ظـــــافـــــر
هـيــا إسـتـمـع حـــال بـــي لـمــي=عــــســــاك لـمـعــالــجــه قـــــــــادر
ســــــــــــــــــــرور الـــــــبـــــــشـــــــري =
عــلــم الــوفــاء فــيـــه مـاتــذمــي=مـشـيـك عـلــى الــقــن والـسـايــر
مـــعــــاك مـايـخـتــلــف عــلـــمـــي=لأبـــــــان لـمـعـالــجــك حــــاضــــر
بــــخـــــيـــــتـــــان الــــــبـــــــشـــــــري =
سـبـعـيــن لــيــلــة بـــهـــا دمــــــي=فــعــروقـــه احـصـيـتــهــا فــــايــــر
فــرحــي قــلـــب ونـقــلــب هــمـــي=وأشـقــى لـــي الـقـلــب والـنـاظــر
ســــــــــــــــــــرور الـــــــبـــــــشـــــــري =
مـاتـهـون يالـصـاحـب النـشـمـي=والله فـــــــوق الــبــشـــر قــــاهــــر
جـعــل الـبـخـت بــارقــه وســمــي=ومـايـضـيـع الله شــقــى صــابــر
بــــخـــــيـــــتـــــان الــــــبـــــــشـــــــري =
وفـي ذا البشـر صـم مـع بكمـي=وفــيـــهـــم الـــفـــاهـــم الـــمـــاهـــر
مــاهــمــنــا بــكـــمـــي وصــــمــــي=تـشـخـيـصـكـم شــفــتــه مــغــايــر
ســـــــــــرورالـــــــــــبــــــــــــشــــــــــــري=
وفــي ذا البشـرنـاقـص الفـهـمـي=والــمــرء بـلــيــا صــبـــر خــاســـر
ولاصــارحـــرف الـمــثــل وهــمـــي=راعــــيــــه مــــغــــرور ومـــكـــابـــر
بــــخـــــيـــــتـــــان الــــــبـــــــشـــــــري =
مـــع نـاقــص الـفـهـم والـمـعـمـي=نــتــعــب ومـنــظــورهــم قـــاصــــر
لاتــــخــــم والــــشــــرح مــاتـــمـــي=والـــحــــل بــالــصــبــر فــــالآخــــر

البيرق المنصور=
جوي تعكر بعد ماكـــان = صافي وهـــادي ويامحلاه
من يوم ماقلتلي زعلان = زعلت وامسيت في مأساه
بـخـيـتـان الـبـشــري =
من يمكم خاطري غلقان=وذاك الزعل منك بدلنـاه
والشاهد الله من الأخوان=محسوب شرواك مانشناه
البيرق المنصور=
يسعدك ربي مدى الازمان = ومن يمك الطيب ماننساه
ياللي مــكـــانتك فـالاعيان = هــذا الــذي مــنك امـــلناه
بـخـيـتـان الـبـشــري =
الله يجازيك بالأحسـان=والطيب بيناتنا ممشـاه
يامن لكم قدر فالعربان=عالي على رؤسنا شلناه
البيرق المنصور=
يالفارس اللي من االفرسان = طيب النبا زان في معناه
وان كان ما يغـلـط الانـسـان = ماياخذ دروس من دنياه
بـخـيـتـان الـبـشــري =
لاشك فالعلم ياكحيلان = وللطيب كلاٍ يحث خطاه
ومن يعترف بالغلط ماشان=يزيد قدر ويزيده جاه
ودام الوفا بيننا ميدان = نمشي وطيب النبا نقناه
انته وانا نعدل الميزان=الكل منا جويد بناه