من حلف الفضول الى محكمة بشر ........؟

حلف الفضول=
يا محكمة بشر وبناخيه = شكوى المظاليم مرفوعه
نور الحقيقة يبي توجيه = فاقد له حقوق مشروعه
محكمة بشر وبناخيه=
الحكم ملزوم به قاضيـه = ودعاوي الحق مسموعه
نحكم على خصمكم يعطيه =ومداخل الظلم مقطوعـه
حلف الفضول=
الحلف ماله خصـم يشكيـه = يسعى فمطاليـب منزوعـه
ضاعت معاني في بحر التيه = وبقـوة المـوج مدفـوعـه
محكمة بشر وبناخيه=
ان كان ماله خصم يدعيه = دعواه تبطل ومرجوعـه
والضايعه فالبحر تعضيه =واحكامها ماهي فطوعه
حلف الفضول=
اللي وصل للحمى نحميه = و ما ينقص حساب مجموعه
نطعن و لا بد ما نرضيه = و لا تقول صفحات ممنوعه
محكمة بشر وبناخيه =
حد الحمى مانساوم فيـه=ولا نصدر احكام مشفوعه
الضلم نحكم على باديـه=وبالحكم مانطلب قنوعه
واضح ولافيه مانخفيه = شكله ومضمونه ونوعه
ومنهاجنا للعرب نبديه = لوكانت احكام متبوعه