ديوان الشاعر(بخيتان البشري)

ماتدري إن الدموع اللي=هليتها لك مـن عينـي
ماها ترى دم من قلبي=لاجف اطلب ويعطينـي

بالله يالكابتن الطيار=مادامنا فوق علينـا
إنك تحاول تلف يسار=لجل الأمر حيل يعنينا

بــخــيـــتـــان =
لأجلك معلم وراعي قيـل=وتخرج أجيال مدرستيـن
لايات منها وليـش تميـل=وكيف التعامل مع اثنتيـن
قـــــابــــــل =
ماعندنا في غلاهـم ميـل=هذيك حاجب وهذي عيـن
وانا معاهم فحـط وشيـل=صابرورب العبـاد يعيـن
بــخــيـــتـــان =
حريص مثلك فعدل وكيـل=جابتك جابة ولـك تثميـن
ياكيف رأيك بهذا الجيـل=مثلك تعايش مع الجيليـن
قـــــابــــــل =
تسأل ومثلك قوي الحيـل=زايد عليه بتسـع سنيـن
والمسألـه ماتبـا تحليـل=في كل الاوقات زين وشين
بــخــيـــتـــان =
أنا أعرف إنك علو سهيل=عندك سياسة ولك تسنين
وش ينفع البن دون الهيل=والظن مبني على التخمين
قابل=
منك التراحيب جتنا سيل=قول وفعل والكلام يقين
واليد قالوا هل التأويـل=ماصفقت غير بالثنتيـن

حفيد الحجيري=
يا بو محمد حمست البن =و صبيت للقارحه فنجال
قامت خيول الهجوس تعن=وتسوق الأمثال لك فالحال
بخيتان=
حضرت لأجلك ملوك الجن=وكل عقدة لها حلال
هات الذي فالهجوس يدن=ياوافي الكيل والمكيال
حفيد الحجيري=
يا ولد عمي ما خاب الظن=ما للردى فيك لو مثقال
لكن بعض العرب لي كن=الحقد وأبداه فيما قال
بخيتان=
ماخابت عيون بك لدن=ماللضعافة بكم مدخال
الحقد راعيه دوم يزن=ضعيف لفعالكم ماطال
حفيد الحجيري=
تسلم يا راع الوفا والقن=ياللي لك النايفه مدهال
اشره على من وألا من=المنعوج لو عدلته مال
بخيتان=
ميقن وليتك معي تيقن=حتى معي تستريح البال
ياكثرهم ياحسن لكن=يكفيك من لك بهم منزال
حفيد الحجيري=
بعض العرب حي لو يدفن=ذكره يورث بعده أجيال
وبعض العرب ميت و مكفن=لو كان فوق الثرى لا زال
بخيتان=
معادن الناس يختلفن = أنواع متفاوتة وأشكال
ودام الوفا دار لك مسكن=في كل مجهى ولك ميصال
ولاتهمك قلوب ماتذهن =ولاتستمع كل ماينقال
من جابته مالها ثمن = ماينحسب من وجيه رجال

كل ما أفتكر اتفكر فكر = لفكرين ! فكري وتفكيري
اتعبتهم كثر ما افكّر= وإنتاجهم حاز تقديري

لا شفت عقلك كُبر جسمك=بقـول معـذور وش دراك
صابر واراعي حسب فهمك=ليتك تفهمـت يـوم أدراك

بخيتان البشري =
لا شفت عقلك كُبر جسمك=بقـول معـذور وش دراك
صابر واراعي حسب فهمك=ليتك تفهمـت يـوم أدراك
أبن وازن=
يا بادع الفن في رسمـك=وصلت علمك لمن يبغاك
يابو البخت يشتري حلمك=وارسل عذر الذي يفـداك
بخيتان البشري =
لجليش خليتهـا قسمـك=هذي سراها في غير سراك
ليا بغيتك زهمـت إسمـك=انتا يميني وأنـا يمنـاك
أبن وازن=
نقزه من الصاج لا تهمك=ومني الوفا ياخوي جاك
فيك الصفا يجري فدمك=يامن حميت الذي يحماك
بخيتان البشري =
لايكثر النقز من وسمـك=هذي نصيحة أخو يبغاك
ماتهمني صاجهـا همـك=الظـن لاتجعلـه مبـداك
أبن وازن=
ابنا عمومى وابـن عمـك=واللى حصل قفله بغطـاك
ودام الجسم شايله عظمك=ظني النجم والقمر فسماك
بخيتان البشري =
معناك بين العرب لزمك = إحرص تحرص على معناك
مادام بصّمت وبخمسك = مسموح في غيرها لا ألقاك
أبن وازن=
لا يبعـد القـول مـن يمـك = انت القمر والنجم فمداك
جبت المعاني وغط لمك = والمشتري يخذله شرواك
بخيتان البشري =
أعرفك وأعرف غُزر جمك=ونور القمر فالسما علاك
ومعناي إنكانـه سمّـك=كل المعاني ترى تفـداك