سؤأل عندي إلى ألاخوان؟؟؟

	المشاركة الأصلية كتبت بواسطة الكحيلة

	كحيلة حرب= سؤأل عندي إلـى ألاخـوان =ليش العرب تشكي الضيقه؟؟ هو البلا فالزمـن نقصـان =ولا البـلا فـي مخاليـقـه الاستاذ عبد العزيز الزويهري= مال الزمن و الخليقة شان =و الحكم معروف توثيقه السر محكـوم بالإنسـان =و في كتاب ربي مغاليقه كحيلة حرب= صدقت في حال انه كـان =مقدر وعلى الناس تصديقه لا شك نسمع زمنا شـان =متغيـرً فـي مواثيـقـه الاستاذ عبد العزيز الزويهري= ما دام دستورنا القرآن =و اجماعنا عكس تفريقه ما نصغي السمع للبهتان =و العلم ينوّر طواريقـه كحيلة حرب= بتوحيدنا ايمان مهما كان =والظلم للخلق ما نطيقـه لكن عقوق وحسد وادمان =عندك خبر هات تعليقـه الاستاذ عبد العزيز الزويهري= من خالف النهج في الميزان =النـار تحـرق مطاليـقـه و ما نطلب الاّ من المنـان =يهديـه للخيـر تطبيـقـه كحيلة حرب= ندري بها عقوبة الرحمن =نسـأل مـن الله تعتيقـه لكن سبب ها البلآ من؟كان =والمجتمع كيف بنفيقـه؟؟ وانته معلم وبـا الميـدان =وامانـة العلـم تصديقـه اشرح لنا يا رفيع الشـان =وضح لنا كيف تطويقه؟! الاستاذ عبد العزيز الزويهري= أصل السبـب بلـوة الشيطـان =فـي النفـس يرمـي تحاذيقـه و من طاوعه في الزمن خسر ان =ينهيـه مـن شـر تسويـقـه و كـل ٍ بعقلـه و بالإمـكـان =يـدرى و يصـرف تفاريـقـه ياخذ و يعطي علـى الإحسـان =مـن دون مـنّـه و تمليـقـه صح السانك وسلم بيانك اشكرك من الاعماق استاذنا القدير عبد العزيز الزويهري اسعدني وشرفني التحاور معكم طال عمرك استفدت واستمتعت في حوارك الراقي اشكرك مرة اخرا ولنا لقاء في مرات قادمة ............ ........ ..... ... .. .

صح بدنك ِ يالكحيلة . . و الله يسلمك ِ و يحفظك ِ

و الحقيقة أبدعت ِ في نثر معانيك الراقية بأسلوب أدبي جميل

و بطريقة تنم عن عقلية متفتحة بإجادة فن الحوار

و بالتوفيق ان شاء الله

دمت ِ بخير