سلام يا ابومحمد ( بخيتان البشري)

فايز ال محيسن=
ياصاحبي ياجويد الساس = يامعرّب الجّـد والخالـي
سلام من وضعنا الحساس = متبدل الحـال فالحالـي
بخيتان البشري=
يامن لكم قدر فوق الرأس =ومنزالكم فالعرب عالـي
يامرحبا وشبكم لابـأس=اشغلت من يمكـم بالـي
فايز ال محيسن=
تبقا على الطيب لك نبراس = وهيا استمع قولـي التالـي
اكليب مطعون من جساس = واضحى قتيل فالخلآ الخالي
بخيتان البشري=
عادتك ياراعي النومـاس = وبنستمع صرف الأقوالي
الغدر خُصلة لدى الأنجاس = فيما بقى بِـث الإرسالـي
فايز ال محيسن=
الزير قاسي غدى منحاس =لو كان ميهاب الاهوالـي
جاته خيانه من المتراس = بسبابها ظاعـة اموالـي
بخيتان البشري=
منه الثقة جات دون قياس =وزيف الثمر جاله اشكالي
مالوم منهو غطس ماقاس =لو كان يذكـر بالأفعالـي
فايز ال محيسن=
ارسلت يمي حروف الماس=وابدعت في رسم الامثالـي
وأبهرت فكري مع الهوجاس =من حرفك الشعر يحلالـي
لنك لعذب المثـل قرنـاس=ونيشانكـم للهدف طـالـي
وبيضت ياصاحبي القرطاس=ياللي لك الطيـب منزالـي