إلى خالي وأستاذي بخيتان البشري بعد التحية....؟

(تركي عبدالله البشـري)=
سلام غالي وشانه شـان = يا طيب الفعـل والذكـرا
وعسا البقا قلتها ذلـوان = بعدين تفهم وش الفكـرا
(بخيـتـان البـشـري)=
ترحيب فيه الوفا عنـوان = يرفع لكم فالمـلا جهـرا
دام اللقـا والموافـى زان = ياحرف طيبه شذا عطـرا
(تركي عبدالله البشـري)=
ماشفت أوفى من الأحزان = وأفراحنا أصبحت ذكـرى
كأنها تقول يـا بخيتـان = لن تستطيع معي صبـرا
(بخيـتـان البـشـري)=
رذاذهـا جـاك والهتـان = لا غاب صبحي لفى عصرا
ومن مدها نال كل إنسـان = ولابد بعد العسـر يسـرا
(تركي عبدالله البشـري)=
مما بنـا كلـت الأبـدان = وحطت لنا فالحشا جمـرا
بأنفـذ النصـح بالإتقـان = ياخال و أفـداك بالعمـرا
(بخيـتـان البـشـري)=
والآن هاك الخبـر و الآن = يظهر لك الحزن فالنبـرا
قلبي عدو عاش بي ازمان = لاقيـت فمعايشـه عُـزرا
(تركي عبدالله البشـري)=
عجل أنـا مصغـي الآذان = وكلاتنـا فاهـم الشفـرا
ماني فما تنسجه حيـران = اقراه خطـك بـلا حبـرا
(بخيـتـان البـشـري)=
خالك ياتركي بقايا إنسان = عايش مع اليأس في ذعرا
ذاتي معي يشتكي شرهان = ماخطيت لو اطلبه عُـذرا
(تركي عبدالله البشـري)=
أُخذ الأمل والعزم و إيمان = ثلاث لليأس فـي نحـرا
ويصبح ربيع الفؤاد جِنان = يُنسيك ماشفت من قهـرا
(بخيـتـان البـشـري)=
بختم مثل بادعـه ربـان = طال السهر باغي المسرا
لك مفردة تسلب الأذهـان = يُطرب لها لاقـي النظـرا
دنيا وعابر بها الإنسـان = ونقـول يالله فالسـتـرا
إصبر وبصبر على ما كان = والله لـه كامـل الأمـرا

صحة الألسن وبيض الله وجيهكم
للحن راقي جداً
الخال ساس البناخي طيب