لكنّك

((سـالـم البـشـري)) =
الواجـب تكـون متأنّـي = مايدخلك شك في مسعـاي
لكنّك اصبحـت متجنّـي = وانا معك مااختلف ممشاي
((محـمـدالـيـوبـي)) =
قدام أنـا جيـت متمنِّـي = ولاجيت في غايتي ومناي
ومادمت طربـان وتغنِّـي = باخذك بالصوت رايح جاي
((سـالـم البـشـري)) =
جابك لنا الشـك متعنّـي = ماجيت قصدك تبا شرواي
وسايرك ماغاب عن ظنّي = واهدافك اللي على مرماي
((محـمـدالـيـوبـي)) =
أنت عميد الصف الفنِّي= وأنا عميد الوتر والناي
حذراك ..لاتقترب منِّـي= وتحول بيني وبين عداي
((سـالـم البـشـري)) =
الذيب لاصـادف الجنـي = يقول جاني عشى مسراي
يافرحة النـاب والسنّـي = استيدمت بعد طب حماي
((محـمـدالـيـوبـي)) =
صحيح بـل قولهـا عنِّـي=لاجلي أنا ذيب في مرقـاي
أعزف على العرف والقنِّـي=ولاتطب وسط الحمى دعواي
((سـالـم البـشـري)) =
فالعرف والقن تضمنّـي=وردت قولي على معناي
مانته مع الذيب متهنّي=سبع الخلا فالحمى عدّاي

الذيب لاصـادف الجنـي = يقول جاني عشى مسراي
×××××××××××××××××××××××××××
فالعرف والقن تضمنّـي=وردت قولي على معناي
مانته مع الذيب متهنّي=سبع الخلا فالحمى عدّاي

صحة الألسن وبيض الله وجيهكم
من أروع ما قرأت من المحاورات
إنتهـــــــــــــــــــــــى كما هي العادة

[/quote]