الكحيلة وحربي من جدة..

حربي من جدة=
حسب الرضا والغضب قنه=يحتار من يوصفه يحتـار
نـص المحبيـن فالجنـه=والنص الآخر فوسط النار
الكـــــــــحـــــــيلة=
يا بادع القيـل ماكنـه=فيه التنبي عن الاقـدار
الله علم مين فا الجنـة=ويعلم من الي عذابه نار
حربي من جدة=
نار الهوى فالهوى سنه=لاتدق في لوحي المسمار
القن واضـح وذا فنـه=واللي خلقنا لنـا غفـار
الكـــحــــيلة=
تسلم من الشر والونـه=جزيل شعرك من الاشعار
يامسرج الخيـل لتعنـه=عند الولي كل شيءً صار
حربي من جدة=
ومن قال يسلم بعد منه=اختي كحيله ونعم الجار
وخيولي الدرب يرقنـه=ومرضاة ربي لنا معيار
الكـــــــــــحيلة=
خيلك مع الجـال مستنـه=سوابـقً كلبوهـا خيـار
والحـن عـذبً يغنـنـه=احرص عليهن من الاخطار
حربي من جدة=
قدامهـن بـرق خالنـه=يرسم شعارك لمنه ثـار
والمشكله كيف يصلنـه=يذهب سنا برقه الابصار
الكــــــــحــــيلة=
وكـد حراويـه لمـنـه=برق ومزنه نـزل مـدرار
تلقـى الخبـاري بلامنـه=صافي سمها عقب الامطار
حسب التشاريـع والسنـه=وهبه من الواحد الجبـار
تمـت حروفـك وممتنـه=هذا اعتراضي وذا مصـار