ديوان الشاعر(بخيتان البشري)

ساس العتب والمعاتب قلب= يهواك ما كان لك يكره
خلك فكل المواقف صلب= ولا اقول مغصوب لي مُكره

أيام وشهور عدينا = وتوالفت فالزمان سنين
من عمرنا لأجله أهدينا= وأهدى لنا فالحشا جرحين

طال المدى والأمل مازال = محكوم باليأس ومحاكم
وإن ماعفا له وحكمه زال = يبقى معي حلم لقياكم

مجنون ليلى ياكيف انجن = لو ما اكتمل وصف مجنونه
مايحسب أيام راحن جن = مشغول في حب مفتونه

اللي تولى على الوجدان = إسمه بذاتي حوته حروف
عايش معه فالخفا حرمان = والظاهر الطيب والمعروف

كل مافرحنا بجياتك =اللي لها خاطري مشروح
تقفي على حسب رغباتك =ياكيف تقوى تجي وتروح
لو زدتني هم سياتك = تزيد مالك بها مصلوح
حنا ندور لراحاتك =وانته تعمد لكيْ الروح

أيام وشهور عدينا = وتوالفت فالزمان سنين
من عمرنا لأجله أهدينا= وأهدى لنا فالحشا جرحين

سالم البشري=
هيا اسمعو حرفي المبني = اللي لكم برفعه بالصوت
سلام والكل به معني = قدام لليل الصفى لايفوت
بخيتان =
الكل مصغي لما تعني = ياحرف كله درر ياقوت
ترحيب وافي لكم مثني = قود المثل والصفا منعوت
سالم البشري=
لابـان جانـي ولا مجنـي=والناس راحت فرق وشتوت
كلٍ علـى مااعتقـد يبنـي=كلام مالـه أصـل مثبـوت
بخيتان البشري=
لاهناك شاني ولا مشني = وين العوارف وليش سكوت
الظن بالسو مايجني = غير الشقا ياجدونه قوت