ديوان الشاعر حسيبك للزمن

^
^
^
^
^
^

ســـارح ولـكـنــه الـمـعـنـي=ونا اعذله وانهـره وانهـاه
أصـــم وابــغــاه يسـمـعـنـي=شوف الشقا يوم حَطِّ خطاه

^
^
^
^
^
^

يالَـيْـل كــم تِـهْـت فالظلـمـة=وكم جاوزت حَدَّها الأحـلام
وكم قمت مفجوع من كَلمة=فالقلب تصحى مِعِي وِتْنـام

^
^
^
^
^
^

جيت اتمشى على الأطلال=ماستاذنـت عينـي الدمعـة
ياشينـهـا دمـعـة الـرجــال=لاصابـت همـوم مجتمـعـة

^
^
^
^
^
^

شِفْـتـه وبلحـيـل حبـيـتـه=محْسَبتني فاوَّل المشوار
يالـيـت ماقْـبَـل وحيَّـيـتـه=ولا جابتـه يَمِّـيَّ ألأقــدار

^
^
^
^
^
^

قَــفَّــيــت مـاتـلـتـفــت يَـــمِّـــي=اسْـــدل عـلـيـك الـغُــرورِ رْداه
هـــذا الـفـضـا تِـيــه يـاعَـمِّــي=خُذْ من هوى النفس ماترضاه

^
^
^
^
^
^

ماحِب قطـف العنـب دانـي=ولاخاوي المحتطب فالليل
غريب فـي داخـل اوطانـي=ماباقي الا ادخـل الترحيـل

^
^
^
^
^
^

مابين قلبي ونون العين=حَـيَّـاك فاخـتـار منـزالـك
تراك تامر علـى الإثنيـن=اُطْلـب وماتطلبـه جَـالـك

^
^
^
^
^
^

مابـاقـي الا مِـعِـي تِـذكــار=مــن كُـثْـر مَغْلـيـك خَلَّيـتـه
يشهد على دمعي المدرار=وعهد الصفا يوم وارَيْتِه

^
^
^
^
^
^

عَيَّت خِطايـه تطاوعنـي=تِثاقَلتْ وانتهى المشوار
انـوح مابـغـاه يسمعـنـي=وِيبان فعل الزمن لاجـار

^
^
^
^
^
^

واقلبي اللي على نارين=ولو مَرْحمه كـان ربَّيتـه
لَجْله يطاوع هِبال العين=ويفـك لـي بـاب صكيتـه