قل اتصالك

( قل اتصالك )

مليت أنا من كثر الأعذار مليت = ما عاد باقي لي من الصبر باقي
يا ما من دموعي على الخد هليت = من زود حبي لك وزود اشتياقي
لجلك شراع الحب ركزته وعليت = في وسط قلبي ما خذ (ن ) له نطاقي
ذبحتني بسم المحبة وشليت = قلب ( ن) يحبك ذاب فيك احتراقي
أقولها صادق ولا يوم زليت = ما لاعني زين الحسا والعراقي
أنا تولعت بغرامك وخليت = قلبي على شانك رهنته وثاقي
أذكرك حتى في صلاتي لا صليت = أذكرك مع همي وفرحي ورواقي
لكن أشوفك بالقطيعة تماديت = وقل اتصالك بي وقل التلاقي
حبيبي ون كانك على الهجر ظليت = ماباقي غير أعلن عليك الفراقي
= شعر / ضيف الله البدراني (أبووليد)

مشكور يابـــــــوليد على النقل للقصيدة الجميلة وصح لسان شاعرها ننتظر منك المزيد والجديد
تحياتي

يا أخ متعب بارك الله فيك القصيدة هذه لي أنا ( ضيف الله البدراني )
شاكر على مرورك

صح لسانك يالبدراني ولو تتقبل ملاحظتي على البيت
اذكرك حتى في صلاتي لاصليت
تقبل مروري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

أعذرني يالغالي ونعم أعرفك ياضيف الله ومتابع لك في في أحد المنتديات بس الكنية هي اللي ضيعتني
وانتظرني على الخاص يابن العم.

صح لسانك
كلام جميل
الله يعطيك العافيه
/
\

الاخوة الكرام
شاس نجد
الحب الباقي
أبو فياض النويمي

شاكر جدا لمروركم

أبو وليد البدراني

..


صح لسانك وسلم فكرك
قصيده كتبت بماء الذهب
موسيقى رنانه وقافية روعه
لاهنت ياأبو وليد وننتظر منك المزيد
عساك على القوه


..