ديوان الشاعر محمد بدين القايدي (السينات)

عاشق الاصالة=
وين التقيلـي عـلاج وطـب=وريــــح الـقـلــب مـــــن بــلـــواه
انا اشهد اني شهيد الحب=جرحي تلـف كـان مـا دواه
السينات=
كُبَّك من اللـي يغُـم القلـب=سيب الهوى واسْتِعِن بالله
عندك سويقة تزيل الكرب=وتريِّـح القلـب مـن شـكـواه

تمايَلَـتْ بالـوُرُود غْصـون=في روْضنا وإكْتسا وْرُودُه
شوف القمر ذوَّب المفْتون=لمَّـا بْجمالُـه سحـر عُــودُه

امي حبيبتي الغالية رحمك الله وجعلك في الفردوس الأعلى

فـي داخـل القـلـب مِسْكـانِـك=يلـلـي حيـاتـي هَـنـا ويَّـــاك
عمري قضيْته في أحضانِـك=أبـذل حياتـي وانـال رْضـاك
ولـمَّـا فقـدْتِـك عــلا شـانِــك=وبْدمع عيني مسحت خْطاك
ربــي يـجـازيـك باحْـسـانِـك=ويجعل وسَـطْ جنتُـه مثْـواك
يا مـا سهِرتـي فـي أحْزانِـك=واغْروْرقـت بالبُـكـا عيْـنـاك
لو يوم شُفْتـي فـي أحْلامِـك=عارض مرض صابني بكَّاك

يا من في عيني لهم منظر=تعجز وصوفـي ولا تكفيـه
يـوم الهـوى بيننـا يُعْصَـر=وقلوبنـا ترتشـف صافـيـه
هاك الفـؤاد افتحـه وانظـر=مين الذي ظـل ساكـن فيـه
وارْجع ورا بالزمن واذْكـر=ايــام كـنـا ســـوى نبـنـيـه

بيني وبين حمدان الوافي

عاشق الاصالة=
جاني ولفى قمت حييتـه=وقت الموادع بكى وصياح
ياليت ماجـا ولا جيتـه=عكس الملاقى يسير نياح
قفـى وبالحـال ناديتـه=يقول تزهم علي ياصـاح
قلب العنى معـك شليتـه=يفداك تسعد به وترتـاح
ياويلـك ان كـان أذيتـه=لاتحرقه حرقت المصباح
ادراه دامــك توليـتـه=لاتجرحه تبتليه بجـراح
السينات=

كـاس الـهـوى لـيـه صبيـتـه=وانـتَ تْعَـرْفْ الهـوى ذبَّــاح
ومــــا دام نــــاداك لـبـيـتــه=وفي بحرهـم مرتمـي سبـاح
لا تعـاتـب الــود فــي بـيـتـه=خلَّـكْ علـى الرَّاجـحـة لـمَّـاح
والآن يـــوم انَّـــك إعْطـيـتـه=قلْبك -- تجي تشتكي لا طاح

أصابـع الـشـك والغـيـرة=باعت لنـار الشقـا قلبـي
وخلَّت غرامه مع الحيرة=مذهول في أرْوِقة دَرْبـي

محاورة بيني وبين الطواف

الــــــــــــــــــــــطــــــــــــــــــــــواف=
قـــــدام شــهـــر الــصــيــام يـــهـــل=والـقـيــل يــاخــذ اجـــــازة صــمـــت
ســــــلام مـــنـــا لـحـبــيــب الـــكـــل=ان شـئـت والــلا تـــرى مـــا شـئــت
السينات=
يــــــا مــرحــبــا عــلَّــنــا نــجــمِّـــل=لا هــنــت يــــا صـاحـبــي لا هــنــت
هــــــذا الــــــذي فـــيــــك مــتــأمِّـــل=يــا مــن عـــن الطـيـبـة مـــا حـــدت
الــــــــــــــــــــــطــــــــــــــــــــــواف=
جــانـــا الــوفـــا مــنـــك مـسـتـكـمـل=عـلــى حــســب فــيــك مــــا أمَّــلــت
والآن نــبــغـــى الــدلــيـــل يــــــــدل=فالحـاصـل الـلـي مـنـه مـــا ارتـحــت
السينات=
الــطَّــيــبـــة لـــــــــك فـــيـــمــــا زل=وانـــــت الـــــذي لــلــوفــا قـــدَّمـــت
لــك حــق ابـحـث مـعــك عـــن حـــل=لا بــــان لــيَّــا ســبــب مــــا قــلـــت
الــــــــــــــــــــــطــــــــــــــــــــــواف=
الــلـــي عـلــيــه الــعــنــا مـــرســـل=لــمــا الــزمــن عــانـــده والـبــخــت
يــشــرب مــــن الــمـــر والـحـنـظــل=عـلــيــه كـــــل الـــطـــرق صـــكـــت
السينات=
لا تـــتـــرك الـــيــــأْس يـسـتـفــحــل=مـهـمـا فْ زمـانــك مـآســي شــفــت
وان كــــان عــنــده امــــل يــوصـــل=مـهـمــا رمــــاه الــزمــن واحــتــرت
الــــــــــــطــــــــــــواف=
لــعـــل مـــــا اعـــدمـــك لا تــعــجــل=مــــا يـنـوبـنـي فـالـقـضـيـة ســنـــت
بــــس الأمـــــر يـسـتـحــق الــعـــدل=لـــو شـفــت حـالــه ومـــا وصــلــت
الــســيــنـــت الـــــــــرد الاخــــيـــــر=
رب الــبــشــر حـكـمــتــه تــفــضـــل=هـــــيَّ أســـــاس الــعـــدل والــبـــت
مـــــا بـيـنـهــم فـــالأمـــر يــفــصــل=لا لِـــــيْ فـيــهــا ولا لــــــك إنْــــــت
والـحــال مــــا يــــدوم لــــو طــــوَّل=مـهـمـا الـزمــن عـانــده فـــي وقـــت
لابـــــــــد تُــــفْـــــرَج ويـــتـــحــــوَّل=ذاك الــعــنــا والأســــــى والــكــبــت
ويـــــــا صــحــابــنــا ســامــحــونــا=

يا عين قولي لْعيونُه ليه= يجرح هذبها نظر عيني
يوم جات عيني صْداف عنيه= قالت لها بس يكفيني

الـــزيـــف والـــشـــك والــريــبـــة=وغدر النفوس المليئة شرور
تـــعــــودت تـــذبــــح الــطــيــبــة=وتـذرف عليهـا المـدامـع زور

تعـال يـا كامـل الأوصـاف=ننسـج سـوا حبَّنـا الدافـي
وخلِّي ليالي سنين عجاف=ذكرى لنا في زمـن جافـي