ديوان الأشجان في لحن الدان ( فواز الزويهري ) .:،’,,.:،,.:،,.:،,.:،,.:،,.

فواز الزيهري=
سلام والليل توّه زان=ياصحابنا اللي على القمّه
معدود مثلك صقر شيهان=في ساحة القيل لك بصمه
سالم البشري=
ترحيب ياوافي الأقنان=ياعد طيب النبا جمّه
طاب المثل يارفيع الشان=واشواقنا تتجه يمّه
فواز الزويهري=
عسى البقا والجفن سهران=والورد ماطاب لي شمّه
من بعد شفت الغصن ذبلان=ناكر سقانا بلا ذمّه
سالم البشري=
يامشاهد الورد فالأغصان=ذبلان وازداد به همّه
لاتقطع الماء 00مهما كان=ارويه قبل الضما يعمّه
فواز الزويهري=
داريت عرقه بكل احسان=وابريه من كل ماغمّه
والله لو لا غلا الخلان=وخوف الندم يدي تسمّه
سالم البشري=
قدّام يرجع خضر ريّان=ملزوم تدراه وتلمّه
لاتتركه كان بالإمكان=اللي بديته معه تمّه